මාර්ග නීති හතකට අදාළව අයවැය මඟින් පනවන ලද රුපියල් විසි පන්දහසක දඩයට එරෙහිව බස් සංගම් කිහිපයක් විසින් බස් වර්ජනයක් ප්‍රකාශයට පත් කර ඇත.
දෙසැම්බර් 01 වනදා මධ්‍යම රාත්‍රීයේ සිට මෙම වර්ජනය ක්‍රීයාත්මක වන බවයි සමස්ත ලංකා පෞද්ගලික බස් සමාගම් සමිති සම්මේලනයේ ප්‍රධාන ලේකම් අංජන ප්‍රියන්ජිත් පවසන්නේ.
පෙර පැවති පරිදි අවම දඩය රු.550ට නැවත අඩු කරන තුරු මෙම වර්ජනය ක්‍රීයාත්මක කරන බවටයි එම සංගමය කියා සිටියේ.
මෙම දඩයට එරෙහිව ඉදිරියේදී අධිකරණ ක්‍රීයාමාර්ග ගැනීමටද සුදනම් වන බවයි එම සංගමය අවධාරණය කරන්නේ.
ප්‍රවාහන සංගම් 29 මෙම වර්ජනයට සහභාගී වන බවයි වාර්තා වන්නේ.
ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මෙම මාධය හමුවට සහභාගී නොවීය.
Facebook Comments
