දොස්තර සාෆි රිමාන්ඩ් කළ නඩුකාරයට විරුද්ධව පැමිණිල්ලක්

0
292
wedding people
Loading...

සිංහල මව්වරුන් හට වඳ සැත්කම් කළ බවට ජනමාධ්‍ය මඟින් හා සිංහල බෞද්ධ භික්ෂුන්ගෙන් එල්ල වන චෝදනා වලින් නිදොස් කරනු ලැබ තවමත් සිරගත කර සිටින කුරුණෑගල රෝහලේ මුස්ලිම් වෛද්‍යවරයාට එරෙහි කඩුව විභාග කරනු ලබන විනිසුරුවරයාට එරෙහි පැමිණිල්ලක් ගොනුව තිබේ.

කුරුණෑගල මහේස්ත්‍රාත් සම්පත් හේවාවසම්ට විරුද්ධව අධිකරණ සේවා කොමිසම හමුවේ පැමිණිලි ගොනු කර ඇත්තේ තරුණ ජනමාධ්‍යවේදීන්ගේ සංගමයයි.

කුරුණෑගල ශික්ෂණ රෝහලේ ප්‍රසව හා නාරිවේද අංශයේ ජ්‍යෙෂ්ඨ නේවාසික වෛද්‍ය සේගු ශිහබ්දීන් මොහමඩ් සාෆිට එරෙහි චෝදනා සම්බන්ධයෙන් විභාග කිරීමේදී මහේස්ත්‍රාත්වරයා අතින් “වරදක් සිදුවී ඇත්ද යන්න ගැනත්, එය යම් කුමන්ත්‍රණකාරී වැඩපිළිවෙළක කොටසක් ලෙස සිදු කළ අපරාධ වරදක්දැයි සොයා බලන ලෙසත්,” පැමිණිල්ල ඉල්ලා සිටියි.

වෛද්‍යවරයාට එරෙහිව පරීක්ෂණ පවත්වනු ලබන කුරුණෑගල නියෝජ්‍ය පොලිස්පතිවරයාගේ හා මහේස්ත්‍රාත් සම්පත් හේවාවසම්ගේ බිරින්දෑවරු කුරුණෑගල රෝහලේ වෛද්‍යවරු බවයි තරුණ ජනමාධ්‍යවේදීන්ගේ සංගමය පෙන්වා දෙන්නේ.

හත්සිය පනහකට අධික සාක්ෂිකරුවන්ගේ ප්‍රකාශ ඇතුලත් පිටු 210 ක වාර්තාවක් අධිකරණය හමුවේ ගෙනහැර දක්වන අපරාධ පරීක්ෂණ දෙපාර්තමේන්තුව වෛද්‍යවරයා ප්‍රමාණවත් සාක්කියක් නොතිබිය දී ඔහු අත්අඩංගුවට ගෙන ඇති බවට කරුනු දක්වා තිබියදීත්, කුරුණෑගල මහේස්ත්‍රාත්වරයා විසින් වෛද්‍ය සාෆි රිමාන්ඩ් භාරයට පත් කිරීම අධිකරණ සේවා කොමිසන් සභාවේ අවධානයට යොමුකර තිබේ.

Facebook Comments

Loading...