ජයලලිතාගෙන් සමාව ගත් ගෝඨා ගේ ආරක්ෂක අමාත්‍යංශය

ගෝඨාභය රාජපක්ෂ ආරක්ෂක අමාත්‍යංශයේ ලේකම් ධුරය දරන සමයේදී එවක තමිල්නාඩු මහ ඇමතිනිය වු ජයලලිතා ජෙයරම්ගෙන් කොන්දේසි විරහිතව සමාව ගැනීමට සිදු විය.

මහ ඇමතිනියට එරෙහිව ආරක්ෂක අමාත්‍යංශයේ පළ වු කාටුනයක් සහ ලිපියක් සම්බන්ධවයි එම අමාත්‍යංශය මෙසේ සමාව ගනු ලැබුවේ.

ෂෙනාලි ඩී වඩුගේ විසින් ලියන ලද How meaningful are Jayalalitha’s love letters to Narendra Modi? ලිපිය සම්බන්ධව ඉන්දීය රජය විසින් ලංකාවේ ආරක්ෂක අමාත්‍යංශයට ‍දැඩිව දෝෂාරෝපණය කළේය.

ජයලලිතා ‍ජෙයරාම් විසින් දෙමළ ජනයාට එරෙහිව සිදු වු වර්ග සංහාරයට විරුද්ධව පෙනී සිටින ලෙස ඉන්දිය රජයට බල කරමින් හා ලංකාවේ අත්අඩංගුවේ සිටින තමිල්නාඩු ධීවරයන් නිදහස් කර දෙන මෙන් බල කරමින් ලිපි ලිවු අතර එය අපහාසයට ලක් කරමින් ආරක්ෂක අමාත්‍යංශය මෙම ලිපිය ලියා තිබුණි.