ජාතික ලැයිස්තුවෙන් පැමිණි කිහිප දෙනෙකු එක්සත් ජාතික පක්ෂය විනාශ මුඛයට ඇද දමා ඇතැයි එම පක්ෂයේ උපනායක චෝදනා කරයි.
කිසිඳු ජන පදනමක් පවා නොමැති එම සුළුතරය විසින් පක්ෂයට සිදුකර ඇති විනාශය යළි ආපස්සට හැර වීමට නොහැකි තරම් බරපතළ වී ඇති බවයි රවී කරුණානායක මන්ත්‍රීවරයා පෙන්වා දෙන්නේ.
මෙම තත්ත්වය හමුවේ පක්ෂය තුල රැඩිකල් වෙනසක් සහිත ප‍්‍රතිසංවිධානයක් සිදුවිය යුතු බව කී මන්ත්‍රීවරයා තරුණ කොටස් සඳහා ඉදිරියට පැමිණීමට අවස්ථාව සලසා දිය යුතු බවට අවධාරණය කර සිටියේ 01 බ්‍රහස්පතින්දා මෝදර, කිඹුලාඇල ප‍්‍රදේශයේ ක‍්‍රීඩා සංගම් සඳහා ක‍්‍රීඩා භාන්ඩ ප‍්‍රදානය කිරීමෙන් අනතුරුව මාධ්‍ය අමතමිනි.
තමා සම්බන්ධයෙන් සොයා බැලීමට පක්ෂය විසින් මාරපන කමිටුව පත් කළ බව ද පැවසූ මන්ත්‍රී රවී කරුණානායක ජනවරමක් නොමැති අය ජන පදනමක් තිබෙන තමා වැනි අයෙකු පිළිබඳව තීරණ ගන්නේ කෙසේ දැයි වැඩි දුරටත් ප්‍රශ්න කළේය.
Facebook Comments
