නඩරාජා රවිරාජ් ඝාතන නඩුවේ විත්තිකාර නාවික හමුදා නිලධාරීන් නිදහස් කරමින් දෙන ලද මහාධිකරණ තීන්දුවට එරෙහිව ගොනු කළ ප‍්‍රතිශෝධන පෙත්සමේ දෙවන වගඋත්තරකරුවෙකු වන නාවික ලූතිනන් ප්රසාද් චන්දන කුමාර හෙවත් සම්පත් නැමැත්තා වහාම අත්අඩංගුවට ගන්නා ලෙස අභියාචනාධිකරණය වරෙන්තු නිකුත් කර තිබේ.
සෂිකලා රවිරාජ් විසින් ඉදිරිපත් කර ඇති පෙත්සමේ වගඋත්තරකරුවකු වන ප්රසාද් හෙට්ටිආරච්චි නම් නාවික හමුදා නිලධාරියා අත්අඩංගුවට ගන්නා ලෙසටයි 27 බ්‍රහස්පතින්දා අභියාචනාධිකරණය වරෙන්තු නිකුත් කර ඇත්තේ
පෙත්සම්කාර පාර්ශවයේ නීතීඥ එම්.ඒ.සුමන්තිරන් අධිකරණයට දන්වා සිටියේ මෙම නඩුවේ වගඋත්තරකරුවන් ලෙස නම් කර ඇති වගඋත්තරකරුවන් පස් දෙනෙකුට මේ වන විට සිතාසි යවා ඇතත් සම්පත් නැමැත්තා අධිකරණය හමුවේ පෙනී නොසිටී බවයි.
එබැවින් ඔහුව අත්අඩංගුවට ගැනීම සඳහා වරෙන්තු නිකුත් කරන ලෙස පෙත්සම්කාර නීතීඥවරයා අභියාචනාධිකරණයෙන් ඉල්ලා සිටි අතර එම ඉල්ලීම සලකා බැලූ අභියාචනාධිකරණ විනිසුරු මඩුල්ල අදාළ වගඋත්තරකරු අත්අඩංගුවට ගෙන අධිකරණයට ඉදිරිපත් කරන ලෙස දන්වා වරෙන්තු නිකුත් කර තිබේ.
මෙම නඩුව විභාග කිරීමට ජූරි සභාවකට අවසර දෙමින් දෙන ලද මහාධිකරණ නියෝගය බල රහිත කරන ලෙසත් අදාළ ජූරි තීන්දුව බල රහිත කර නැවත නඩු විභාගයක් පවත්වා විත්තිකරුවන් සියලූ චෝදනාවන්ට වැරදිකරුවන් ලෙස නම් කරන තීන්දුවක් දෙන්නැයිද ශෂිකලා නඩරාජ් අධිකරණයෙන් ඉල්ලා ඇත.
පෙත්සම සම්බන්ධයෙන් සලකා බැලීම සැප්තැම්බර් 06 වැනිදාට කල් තැබීමටද අභියාචානාධිකරණය තීන්දු කරන ලදී.
Facebook Comments
