පොදු ව්‍යාපාර පිළිබඳ කාරක සභාවේ පළමු වාර්තාව ඊයේ (9) පාර්ලිමේන්තුවට එහි සභාපති, පාර්ලිමේන්තු මන්ත්‍රී සුනිල් හඳුන්නෙත්ති විසින් ඉදිරිපත් කළේ ය.
සභාපතිවරයා වාර්තාව ඉදිරිපත් කරමින් සඳහන් කළේ, 2016 ජනවාරි සිට අප්‍රේල් දක්වා කාලසීමාව තුළ සිදු කළ විමර්ශන, වාර්තාවට ඇතුළත් කර තිබෙන බවය.සංක්ෂිප්ත අතුරු වාර්තාව ලෙස පාර්ලිමේන්තුවට ඉදිරිපත් කිරීමට හැකි වීම පිළිබඳව සහාය දුන් සියලු පාර්ශව වෙත මන්ත්‍රීවරයා සිය ස්තූතිය පළ කළේ ය.
මෙම වාර්තාව ආයතන 19ක සංක්ෂිප්ත වාර්තාවක් බවයි මන්ත්‍රීවරයා සභාව අමතමින් ප්‍රකාශ කර සිටියේ.
මීට අමතරව තවත් ආයතන 15 කෝප් කමිටුවට කැඳවා ඇති බවත් එහි විමර්ඹන අවසන් වු වහාම එම වාර්තාවද ඉදිරිපත් කිරීමට බලාපොරොත්තු වන බවයි සභාපතිවරයා පවසන්නේ.
ස්ථාවර නියෝගවලින් තිබෙන බාධාවන් සහ කෝප් කමිටුවට අවශ්‍ය විශේෂඥ සහාය සම්බන්ධව අවධානය යොමු කරන මෙන් කෝප් කමිටු සභාපතිවරයා කථානායකවරයාගෙන් මෙහිදි ඉල්ලීමක් කර ඇත.
කෝප් කමිටුවේ කටයුතු මහජනතාවට සන්නීවේදනය කළ හැකි ආකාරයේ ක්‍රමවේදයක් මතු වී තිබෙන බවත් කමිටුවේ උන්නතිය උදෙසා පියවර කිහිපයක්ම ගෙන ඇති බව කෝප් කමිටු සභාපති පාර්ලිමේන්තු මන්ත්‍රී සුනිල් හඳුන්නෙත්ති වැඩිදුරටත් පවසා සිටියා.
Facebook Comments
