කඩදාසි කම්හලේ කෝටි 50 වංචාක් ගැන පරීක්ෂණ

0

ඇඹිලිපිටිය කඩදාසි කම්හල ප්‍රතිව්‍යුහගත කිරීමේදී සිදු වූ බව කියන රුපියල් කෝටි 50කට අධික වංචාවක් පිළිබඳ පරීක්ෂණයක් ආරම්භ කර ඇතැයි මූල්‍ය අපරාධ විමර්ශන කොට්ඨාසය කොළඹ අතිරේක මහෙස්ත්‍රාත් නිශාන්ත පීරිස් මහතාට ඊයේ (09දා) දැනුම් දුන්නේය.

කඩදාසි කම්හල 2011 නොවැම්බර් මාසයේ ප්‍රතිව්‍යුහගත කළ අතර, එහිදී සිදු වූ බව කියන වංචාවක් සම්බන්ධයෙන් මෙලෙස පරීක්‍ෂණ ආරම්භ කළ බව පොලිස් මූල්‍ය අපරාධ විමර්ශන කොට්ඨාසය පවසනවා.

මාතර, හිත්තැටියේ පදිංචි සමන් පුෂ්පකුමාර මහතා දූෂණ මර්දන කමිටු කාර්යාලයට ඉදිරිපත් කළ පැමිණිල්ලක් අනුව පොලිස්පතිවරයා විසින් මෙහි පරීක්ෂණ පොලිස් මූල්‍ය අපරාධ විමර්ශන කොට්ඨාසය වෙත පවරා ඇත.

මෙම සිද්ධියට අදාළව සිදුකරන පරීක්‍ෂණවලදී හෙළි වන තොරතුරු පිළිබඳවද අධිකරණයට දැනුම්දීමට පියවර ගන්නා බව නිලධාරීහු අධිකරණයට දැනුම් දුන්හ.

Facebook Comments

wedding people