මන්ත්‍රී පුතාගේ ඩුබායි බැංකු ගිණුම් FCID ය සොයා ගනී

0
1610
wedding people
Loading...

රුපියල් බිලියන 272 ක පමණ වූ අතිවිශාල මුදලක් උපයා ඩුබායි බැංකුවක තැන්පත් කර ඇති හිටපු ප්‍රභූ දේශපාලනඥයකුගේ තරුණ මන්ත්‍රී පුතකු පිළිබඳව අනාවරණය කර ගැනීමට පොලිස් මූල්‍ය අපරාධ කොට්ඨාසය සමත්ව තිබේ.

මෙම මුදල මෙරට අයවැය පියවීමට තරම් ප්‍රමාණවත් වූ එකක් බවට විශ්වාසය පළකරන මූල්‍ය අපරාධ කොට්ඨාසය‍ෙ එම මුදලක් උපයා ගත්තේ කෙසේද යන්න සම්බන්ධවද තොරතුරු රැසක් අනාවරණය කරගෙන තිබෙන බව ආරංචි මාර්ග පවසයි.

මූල්‍ය අපරාධ කොට්ඨාසයට ලැබුණ පැමිණිල්ලක් මත මේ සම්බන්ධව පරීක්ෂණ පවත්වන මූල්‍ය අපරාධ කොට්ඨාසය එම ගිණුමට අදාළව මූල්‍ය තොරතුරු හෙළිකර ගැනීම සඳහා පොලිස් පරීක්ෂණ කණ්ඩායමක් එම ඩුබායි බැංකුව වෙත ගොස් ඇතත් එම ‍තොරතුරු එම බැංකුව විසින් පරීක්ෂණ අංශවලට ලබා දී නොමැති බව ද මූල්‍ය අපරාධ කොට්ඨාස ආරංචි මාර්ග සඳහන් කරයි.

විවිධ වංචාකාරී ක්‍රියාවලින් උපයා ගන්නා ලද රුපියල් බිලියන ගණන් වූ මුදල් පසුගිය කාලයේදී විදෙස් බැංකුවල තැන්පත් කිරීම සහ විදෙස් ව්‍යාපාරික ආයතන සමඟ ගනුදෙනු කිරීමට අදාළ සිදුවීම් 86 ක් සඳහා මූල්‍ය අපරාධ කොට්ඨාසය ජාත්‍යන්තර සහාය ඉල්ලා තිබෙන අතර එම ඉල්ලීම්වලින් පරීක්ෂණ 39 කට ජාත්‍යන්තර සහාය ලැබී තිබේ.

එක්සත් රාජධානිය මඟින් පරීක්ෂණ 13 කට, සිංගප්පූරුව මඟින් තවත් පරීක්ෂණ 13 කට ද, ඉන්දියාව විසින් තවත් 13 කට මෙන්ම අමෙරිකාව විසින් පරීක්ෂණ 8 කට අදාළ මූල්‍ය ගනුදෙනු තහවුරු කර ගැනීම සඳහා සහාය ලබා දී ඇති බව පොලිස් මූල්‍ය අපරාධ කොට්ඨාසය පවසයි.

Facebook Comments

Loading...