තෙලෙන් රත්වු පාර්ලිමේන්තු කල් තැබේ

0
612
Ivory Agency Sri Lanka
wedding people
Loading...

නොසන්සුන්තාවක් හේතුවෙන් පාර්ලිමේන්තුව අගෝස්තු 04 දක්වා කල්තැබීමට කථානායක කරූ ජයසූරිය විසින් තීරණය කර තිබේ.

ඛනිජ තෙල් බෙදාහැරීම අත්‍යවශ්‍ය සේවාවක් ලෙස ප්‍රකාශයට පත්කිරීමේ ගැසට් නිවේදනයට අදාළව 28 සිකුරාදා පැවති ඡන්ද විමසීමක් අතරතුර නොසන්සුන්තාවක් හටගෙන තිබේ.

ඒ අනුව පාර්ලිමේන්තුවේ කටයුතු සාමාන්‍ය පරිදි පවත්වාගෙනයාමට නොහැකි අයුරින් බාධා පැමිණීම හේතුවෙන් මෙලෙස පාර්ලිමේන්තුව කල්තැබීමට කථානායකවරයා තීරණය කළේය.

ඊයේ(27) සහ අද පැවැති විවාදය අවසන ඡන්ද විමසීමක් පැවැත්වීමට නියමිතව තිබුණද ජනතා විමුක්ති පෙරමුණ හා ඒකාබද්ධ විපක්ෂ මන්ත්‍රීවරු මේ පිළිබඳ ප්‍රශ්න කිරීමත් සමග සභාවේ උණුසුම්කාරී තත්ත්වයක් ඇතිවිය.

ඛනිජ තෙල් සේවකයින් විසින් වර්ජනයක් දියත් කර තිබියදී ඛනිජ තෙල් බෙදා හැරීම ජූලි 25 මධ්‍යම රාත්‍රියේ සිට අත්‍යවශ්‍ය ‍සේවාවක් ලෙස ගැසට් මගින් ප්‍රකාශයට පත් කෙරුණි.

මේ අනුව ඛනිජ තෙල් සංස්ථාවට අයත් සියලුම සේවකයින්ට වහාම සේවයට වාර්තා කරන ලෙස රජය දැනුම් දී ඇති අතර එසේ සේවයට වාර්තා නොකරන සියලු සේවකයින් රැකියාව අත්හැර ගියා සේ සලකන බව රජය දැනුම් දී තිබුණි.

Facebook Comments

Loading...