දුෂණ චෝදනා එල්ල වු පාකිස්තාන අගමැති ඉල්ලා අස්වෙයි

0

දීර්ඝ කාලයක් පැවැති දූෂණ චෝදනාවලට වරදකරු කරමින් පාකිස්තාන අගමැති නවාස් ෂරීෆ් රාජ්‍ය තනතුරක් දැරීමට නුසුදුස්සකු බව එරට ශ්‍රේෂ්ඨාධිකරණය 28 සිකුරාදා තීන්දු කළේය.

මතභේදාත්මක දේශපාලන දිවියකට හිමිකම් කියන නවාස් ෂරීෆ්ට සිය ධුර කාලය අවසන් නොකරමින් අග්‍රාමත්‍ය ධුරයෙන් ඉවත් වීමට සිදු වූ තෙවැනි අවස්ථාව මෙයයි.

නවාස් ෂරීෆ්ගේ දරුවන්ගේ සහ පවුලේ වත්කම් වලට අදාළව 2015 දී පැනපා පේපර්ස්හි හෙළිදරව්වේ නම සඳහන් වීමෙන් අනතුරුව ඒ පිළිබඳ මේ දක්වාම පරීක්ෂණ සිදුකෙරිණි.

“ඔහු පාර්ලිමේන්තුවේ සාමාජිකයකු වීමට සුදුසු නැහැ. ඔහු අගමැතිධුරයෙන් ඉවත් විය යුතු” යි ශ්‍රේෂ්ඨාධිකරණ විනිසුරු මඬුල්ලේ ඒකමතික තීන්දුව ප්‍රකාශයට පත්කරමින් විනිසුරු ඉජාස් අෆ්සාල් ප්‍රකාශ කළේය.

තීන්දුව ප්‍රකාශට පත් කිරිමත් සමඟ විපක්ෂ කණ්ඩායම් වීදිවලට පැමිණ සටන් පාඨ කියමින් ජයඝෝෂා නැගූ බව ද එරට මාධ්‍ය වාර්තා කළේය.

 

 

Facebook Comments