සෑම දරුවකුටම නිසි කලට ප්‍රතිශක්තිකරණය ලබා දීම ශ්‍රී ලංකාවේ පිළිවෙතයි – ජනපති

0

ශ්‍රී ලංකාව එහි උපදින සෑම දරුවෙකුටම ගුණාත්මක ප්‍රතිශක්තිකරණ සේවා ලබා ගැනීමට පහසු හා සමාන ඉඩ ප්‍රස්ථා සලසා ඇති බව පවසන ජනාධිපතිවරයා රටේ ප්‍රතිශක්තිකරණ ප්‍රතිපත්තිය නිසි කලට ප්‍රතිශක්තිය අත්කර ගැනීමට දරුවාට ඇති අයිතිය මත පදනම්ව තිබෙන බවට අන්තර් ජාතික සමුළුවකදී ප්‍රකාශ කර තිබේ.

“ලෝක සෞඛ්‍ය සංවිධානය විසින් නිර්දේශිත හා ලියාපදිංචි කරන ලද ගුණාත්මක එන්නත් කෙරෙහි ශ්‍රි ලංකාව විශ්වාසය තබා ඇත. අපේ අරමුණ වන්නේ සෑම දරුවෙකුටම ප්‍රමාණවත් ප්‍රතිශක්තිකරණ මට්ටමක් සහතික කිරීම සඳහා එන්නත්වල ගුණාත්මකභාවය හා ශක්‍යතාව සහතික කිරීමයි”

ඉදිරි වසර 5 තුල ලෝකයේ දිළිඳුම රටවල් කිහිපයක මැලේරියාව, කොලරාව, සරම්ප, එච්අයිව් ඒඩ්ස් වැනි බෝවෙන රෝග මර්දනයට අවශ්‍ය එන්නත් බෙදා හැරීමට ඩොලර් බිලියන 7.4ක් රැස් කර ගැනීමේ අරමුණෙන් වීඩියෝ තාක්ෂණය ඔස්සේ 04 බ්‍රහස්පතින්දා පවත්වන ලද “ගෝලීය එන්නත් සමුළුව 2020”ට එක් වෙමින් ජනාධිපති ගෝඨාභය රාජපක්ෂ මේ බව පවසා ඇත.

උද්ගතව ඇති කොවිඩ්-19 ගෝලීය වසංගතය හමුවේ ළමා එන්නත්කරණය නැවත ආරම්භ කිරීම ප්‍රමුඛ අවශ්‍යතාවක් එහිදී අවදාරණය කර ඇති ජනාධිපතිවරයා වැඩි දුරටත් පවසා ඇත්තේ ශ්‍රී ලංකාව හමුවේ ඇති අභියෝගය ජාතික ප්‍රතිශක්තිකරණ වැඩසටහනේ ගුණාත්මක භාවය පවත්වාගෙන යාම සහ අවශ්‍යතාව පැන නැගුණු විට නව එන්නත් නිසි වේලාවට හඳුන්වාදීම බවයි.

ගත වූ වසර 30 පුරා රෝග මර්දනය කිරීමේ සාර්ථකත්වය ආරක්ෂා කර ගැනීමට ශ්‍රී ලංකාව අන් කවරදාටත් වඩා දැන් උන්න්දු වන බව පෙන්වා දී ඇති ජනපති සාර්ථකත්වයේ වාර්තාව සහ යහපුරුදු ගෝලීය ප්‍රජාව සමඟ බෙදා ගැනීමට ශ්‍රි ලංකාව සූදානම් බව ද පවසා ඇත.

Facebook Comments

wedding people