එජා ආරක්ෂක මණ්ඩල රැස්වීමේ දී ශ්‍රී ලංකාව යැස්මින් සූකා සමග එකට

0
942
Ivory Agency Sri Lanka
HailHost
wedding people

රජයේ ආරක්ෂක අංශ විසින් සිදු කරන ලද බවට චෝදනා කෙරෙන යුද අපරාධ සම්බන්ධයෙන් ලෝකයට හෙළිදරව් කිරීම නිසා ආණ්ඩුවේත් සිංහල ජාතිකවාදීන්ගේත් වෛරයට පාත්‍රවී සිටින ජාත්‍යන්තර මානව හිමිකම් නීතිවේදිනී යස්මින් සුකා සමග ශ්‍රී ලංකාවේ ආණ්ඩුවේ ඉහළ පෙලේ නියෝජිතවරියක් එක්සත් ජාතීන්ගේ සැසිවාරයකදී අසුන් ගෙන සිටියේ එකටය.

ශ්‍රී ලංකාවේ සත්‍යය හා යුක්තිය සඳහා වන ජාත්‍යන්තර ව්‍යාපෘතියේ (ITJP) විධායක අධ්‍යක්ෂිකා සමග ඇමෙරිකාවේ එක්සත් ජාතීන්ගේ මූලස්ථානයේ ශ්‍රී ලංකා නියෝජිත ක්ෂේණුකා සෙනෙවිරත්න ලඟින් වාඩිවී සිටියේ එක්සත් ජාතීන්ගේ ආරක්ෂක මණ්ඩලයේ විශේෂ රැස්වීමකදීය.

එම සමුළුවේ අරමුණ වූයේ යුද්ධයෙත් සහ ඉන් පසුවත් සංක්‍රාන්ති යුක්තිය සම්බන්ධයෙන් සාකච්ඡා කිරීමය.

රජයේ හමුදා යුද්ධයේදී සිදුකළ ක්‍රියාකාරකම් ශ්‍රී ලංකාවේ නියෝජිතවරිය විසින් සාධාරණීකරණය කරන ආකාරය දෙස යුද්ධයේ සිදුවූ අපරාධ සම්බන්ධ එක්සත් ජාතීන්ගේ වාර්තාවක් 2015 දී සම්පාදනය කළ විමර්ශන කණ්ඩායමේ සාමාජිකා යස්මින් සුකා සැකමුසු බැලුම් හෙලන ආකාරය කිහිප වරක් දැකගත හැකිවිය.

යුද්ධයකින් පසු රටක් ඉදිරියට යාමට නම් පීඩාවට පත්වූවන් සම්බන්ධයෙන් යුක්තිය ඉටුකිරීම අත්‍යාවශ්‍ය බව මානව හිමිකම් මහකොමසාරිස්වරිය එක්සත් ජාතීන්ගේ ආරක්ෂක මණ්ඩලය හමුවේ අවධාරණය කළාය.

Facebook Comments

HailHost