එජාප දෙපලු වීම ගැන බාහුගේ මනාපය (VIDEO)

0

එක්සත් ජාතික පක්ෂය කොටස් දෙකකට බෙදී යාම ගැන රනිල් හිතවාදි වාමාංශික නායකයකු සිය සතුට පළ කර සිටී.

ලිබරල්වාදීන් ජාතීන් අතර තිබෙන ගැටලු විසඳීමට යාමේදී ජාතිවාදින්ගෙන් එල්ල වන බලපෑම එජාපයට සිදුවු බව පවසන නව සම සමාජ පක්ෂ නායකයා එජාපය මුහුණ දී සිටින අර්බුදය එය බව අවධාරණය කළේය.

“අපි කැමති මේ වෙච්චදේට මොකද මේක ඇතුලේ තියාගෙන ඉන්නවට වඩා හොඳයි එළියට දාන එක. ඒක එළියට වැටිලා යනවා නම් පක්ෂය නිරවුල් වුනා වගේ වෙයි එක්සත් ජාතික පක්ෂය දිහා තමයි සියලු සුළු ජාතික පක්ෂ බලාගෙන සිටින්නේ.” යැයි ආචාර්ය වික්‍රමබාහු කරුණාරත්න කොළඹ දී මාධ්‍ය වෙත කියා සිටියේය.

එක්සත් ජාතික පක්ෂයට ජාතිවාදි මතවාද නොගැලපෙන බව පවසන නසසප නායකයා එම පක්ෂය නිර්මාණ වී ඇත්තේ සුළු ජාතීන්ද සමඟ එක්ව ගමන් කිරීමට බව සඳහන් කළේය.

විපක්ෂ නායක සජිත් ප්‍රේමදාසගේ නායකත්වයෙන් බිහිවු සමගි ජාතික බලවේගය පොහොට්ටු පක්ෂයට සමගාමීව නිර්මාණය කරන ලද ජාතිවාදි පක්ෂයක් ලෙසට ආචාර්යවරයා චෝදනා කරන ලදී.

පවතින තත්ත්වය මත එක්සත් ජාතික පක්ෂය වඩා ප්‍රජාතන්ත්‍රවාදී වනු ඇති බවට විශ්වාසය පළ කළ නසසප නායක ආචාර්ය වික්‍රමබාහු කරුණාරත්න එජාප ප්‍රමුඛ සන්ධානයක් ඔස්සේ ඉදිරියට ගමන් කිරීමට හැකි බව වැඩි දුරටත් කියා සිටියේය.

 

Facebook Comments

wedding people