රාජ්‍ය ආයතන අතර ගැටුම් අති කර නොගෙන උපරිම මහජන සේවාවක් සැලසීම රාජ්‍ය නිලධාරීන්ගේ වගකීම බැවින් සේවය ඉටු නොකිරීම ගැන රාජ්‍ය නිලධාරීන් කිසිවිටෙක හේතු ඉදිරිපත් නොකළ යුතු බවට ජනාධිපතිවරයා ප්‍රකාශ කර තිබේ.
රාජ්‍ය නිලධාරීන් නීති හා අණපනත් පලිහයක් කර ගත යුත්තේ ජනතාවට සේවය කිරීමට මිස සමාගම්වලට සේවය කිරීමට නොවන බව බදුල්ල දිස්ත්‍රික් ලේකම් කාර්යාලයේ අද (15) පැවති දිස්ත්‍රික් සංවර්ධන කමිටු රැස්වීමට සහභාගී වෙමින් ජනාධිපති රනිල් වික්‍රමසිංහ කියා සිටියේය.
“රාජ්‍ය නිලධාරීන් කාර්යක්ෂමව ක්‍රියා කළයුතුයි. මට හේතු අවශ්‍ය නැහැ. රාජ්‍ය දෙපාර්තමේන්තු අතර ප්‍රශ්න තිබෙන්න විදියක් නැහැ. රජයක් ලෙස සියලු දෙනා එක්වී ජනතාවට සේවය කළ යුතුයි.”
වැවිලි ක්ෂේත්‍රයේ දී ඇතැම් නිලධාරින් අණ පනත් පලිහයක් කර ගනිමින් කටයුතු කරන බවට චෝදනා කළ ජනපති 80 දශකයේ මීට අදාළ පනත සකස් කරන විට ඒ පිළිබඳව අවධානය යොමු කරන බව වැඩිදුරටත් කියා සිටියේය.
Facebook Comments
