මාධ්යවේදී ශානුක කරුණාරත්න ස්වාධීන රූපවාහිනී මාධ්ය ජාලයේ ප්රවෘත්ති හා කාලීන සිදුවීම් අංශයේ නියෝජ්ය සාමාන්යධිකාරී ලෙස පත්කර ඇත.
අග්රාමාත්ය රනිල් වික්රමසිංහගේ උපදෙස් මත, ජනමාධ්ය අමාත්ය රුවන් විජයවර්ධන විසින් මෙම පත්කිරීම සිදුකර තිබේ.
කෑගල්ල, ශාන්ත මේරි විද්යාලයේ ආදී ශිෂ්යකු වන ශානුක කරණාරත්න විද්යුත් මාධ්ය ක්ෂේත්රයේ අවුරුදු 15 ක පමණ අත්දැකීම් සහිත අයෙකි.
ශ්රී ලංකා ගුවන් විදුලි සංස්ථාවෙන් සිය මාධ්ය ගමන්මඟ අරඹන ඔහු ඉන් අනතුරුව ආසියානු මාධ්ය ජාලයට සම්බන්ධවී ශ්රී එෆ්.එම්. ෂා එෆ් එම් යන නාලිකාවල නිවේදන සහ ප්රවෘත්ති අංශයේ කටයුතු කරන ලදී.
අග්රාමාත්ය කාර්යමණ්ඩල ප්රධානී සහ නීතිය හා සාමය සහ දක්ෂිණ සංවර්ධන අමාත්ය සාගල රත්නායකගේ මාධ්ය ලේකම්වරයා කලක් සේවය කල ශානුක කරුණාරත්න අනතුරුව වොයිස් ඔෆ් ඒෂියා මාධ්ය ජාලයේ ප්රවෘත්ති අංශයට එක්විය.
Facebook Comments
