ජනාධිපති ලේකම් ධුරය ඇතුළු රජයේ මුල් පිටු කිහිපයකම වෙනස්කම් කිහිපයක් සිදුවීමට නියමිතව බවට වාර්තා වේ.
ඒ අනුව හමුදාපති ධුරය, ආරක්ෂක ලේකම් ධුරය සහ නැගෙනහිර ආණ්ඩුකාර ධුරයන්ට මෙසේ නව පත්වීම් ලබා දීමට නිමිතව ඇත.
නව ජනපති ලේකම් ලෙස ඔස්ටින් ප්‍රනාන්දු අද (04දා) වැඩබාර ගැනීමට නියමිත ඇති අතර පත්වීම භාර ගැනිමෙන් අනතුරු සිය මුල්ම රාජකාරිය ලෙස ජනාධිපතිවරයාගේ උපදෙස් මත නව යුධ හමුදාපති සහ ආරක්ෂක ලේකම් ධුරයන් සඳහා පත්වීම් ලබාදීම සිදු කරයි.
හිටපු ජනපති ලේකම් පි.බී. අබේකෝන් සිය ධුරයෙන් ඉල්ලා අස්වීමත් සමඟම එම ධුරයේ ඇතිවූ පුරප්පාඩුවට ඔස්ටින් ප්‍රනාන්දු ජනාධිපතිවරයා විසින් පත්කරනු ලැබූ අතර එවන විට ඔහු නැගෙනහිර පළාතේ ආණ්ඩුකාර පදවිය ඉසිලීය.
මෙරට පරිපාලන ක්ෂේත්‍රයේ ජෙෂ්ටතම නිලධාරියෙක් වන ඔස්ටින් ප්‍රනාන්දු මිට පෙර ජනාධිපති ලේකම් සහ ආරක්ෂක අමාත්‍යංශ ලේකම් ලෙසද කටයුතු කර තිබේ.
නව හමුදාපති මහේෂ් සේනානායක
ශ්‍රී ලංකා යුධ හමුදාවේ නව හමුදාපති ලෙස මේජර් ජෙනරාල් මහේෂ් සේනානායක අද (04) ජනාධිපති මෛත්‍රිපාල සිරිසේන ඉදිරියේ දිව්රුම්දීමට නියමිතයි.
යුධ හමුදාවේ මාණ්ඩලික ප්‍රධානි තනතුර හොබවන මේජර් ජෙනරාල් මහේෂ් සේනානායක ලුතිනන් ජෙනරාල් තනතුරට උසස් කිරීමෙන් අනතුරුව නව තනතුර පිරිනැමීමට නියමිතව ඇත.
ආරක්ෂක ලේකම් කපිල වෛද්‍යරත්න
නව ආරක්ෂක ලේකම් වරයා ලෙස හිටපු අතිරේක සොලිස්ටර් ජනරාල් කපිල වෛද්‍යරත්න පත්කර තිබේ.
කොළඹ විශ්ව විද්‍යාලයේ ආර්ථික කටයුතු පිළිබවද සහ කොළඹ නීති විද්‍යාලයේ ජාත්‍යන්තර කටයුතු පිලිබඳ උපාධිධාරියෙක් වන කපිල වෛද්‍යරත්න කලක් ෆිජි රාජ්‍යයේ අභියාචනධිකරණ විනිසුරුවරයෙක් ලෙසද කටයුතු කළේය .
ආරක්ෂක ලේකම් කරුණාසේන හෙට්ටිආරච්චි එම ධුරයෙන් ඉල්ලා අස්වීමට නියමිත අතර ඉන් අනතුරුව යුරෝපයේ ප්‍රධාන රටක තානාපතිවරයෙක් ලෙස පත්වීම් ලැබීමට නියමිත බවට සැලයි.
මේ අතර නැගෙනහිර පළාත් නව ආණ්ඩුකාරවරයා ලෙස රෝහිත බෝගොල්ලාගම පත්කර තිබේ.
රෝහිත බෝගොල්ලාගම මහින්ද රාජපක්ෂ රජයේ විදේශ අමාත්‍යවරයා ලෙස කටයුතු කළේය.
Facebook Comments
