රාජකාරියේ යෙදී සිටි මාධ්‍යවේදියෙකුට හිටපු නාවික හමුදාපති වයිස් අද්මිරාල් රවින්ද්‍ර විජේගුණරත්න කල පහරදීමට වසරකට වැඩි කලයකට පසු නාවික හමුදාව කොන්දේසි විරහිතව සමාව ඉල්ලා තිබේ.
හිටපු නාවික හමුදාපතිවරයාගේ පහර දීම ගැන පහර කෑමට ලක් වු මාධ්‍යවේදි රොෂාන් දිලිප් කුමාර 2017 ජනවාරි මාසයේදී ශ්‍රේෂ්ඨාධිකරණයේ මුලික අයිතිවාසකම් පෙත්සමක් ගොණු කරන ලදි.
මුලික අයිතිවාසිකම් නඩුව විභාග වෙමින් තිබියදී හිටපු නාවික හමුදාපතිවරයා කල පහර දීම ගැන කණගාටුව පල කරන බව සහ ඒ සම්බන්ධව කොන්දේසි විරහිතව සමාව අයදින බවට නාවික හමුදාව ලිඛිතව අධිකරණයට දන්වා ඇත.
අධිකරණය හමුවේ මුලික අයිතිවාසිකම් පෙත්සමක් ගොණු කිරිම හරහා නාවික හමුදාව මේ ආකාරයෙන්වත් සමාව ගත් බවයි පහර කෑමට ලක් වු මාධ්‍යවේදියා වෙනුවෙන් පෙනී සිටි තිස්ස වේරගොඩ නීතිඥවරයා පෙන්වා දෙන්නේ.
“ශ්‍රේෂ්ඨාධිකරණයට මෙම පැමිණිල්ල ගොණු කිරිම තුළින් තමයි මේක මේ තත්ත්වයකටවත් ඉදිරියට ආවේ. නාවික හමුදාපතිවරයා යම් වාර්තාවක් බාර දුන්න අගමැතිවරයට මීට අවුරුද්දකට විතර කලින් ඒක කොහෙවත් කිව්වෙ නැහැ ඔව් මම පහර දුන්න මාධ්‍යවේදියෙකුට කියලා” යි නීතිවේදියා පවසයි.
රැකියාවේ සුරක්ෂිත භාවය සහතික කරගනු පිණිස අරගලයක යෙදී සිටින හම්බන්තොට වරාය සේවකයන් තම භාරයට ගෙන සිටි විදේශීය නෞකා දෙකක් මුදා ගැනීමේ මෙහෙයුමකදී එය වාර්තා කිරීමට ගිය ජනාධිපතිවරයා විසින් තමන්ගේ රැහේ ලෙස හඳුන්වා දෙනු ලබන මාධ්‍යවේදියකුට 2016 වසරේ ජගත් මානව හිමිකමි දිනයදා හිටපු නාවික හමුදාපති වයිස් අද්මිරාල් රවින්ද්‍ර විජේගුණරත්න පහර දෙනු ලැබීය.
Facebook Comments
