විවිධත්වය අශිර්වාදයක් කරගත යුතුයි – ඉමිතියාස් බාකිර් මාකර්

0
664
Ivory Agency Sri Lanka
HailHost
wedding people

විවිධත්වය මුල් කර ගෙන බෙදී වෙන්වීම වෙනුවට විවිධත්වය ආශිර්වාදයක් කරගත හැකි නම් ශ්‍රී ලංකාව ආසියාවේ පමණක් නොව ලෝකයේ බලවත් රටක් බවට පත් කර ගත හැකි බව ජාතික මාධ්‍ය මධ්‍යස්ථානයේ සභාපතිවරයා පවසයි.

එම විවිධත්වය මුල් කර ගනිමින් බෙදී වෙන් වීම වෙනුවට විවිධත්වය පෝෂණය කිරීමේ වගකීම අප සැමගේ අරමුණ විය යුතු බවයි ඉමිතියාස් බාකිර් මාකර් පෙන්වා දෙන්නේ.

මහනුවර පොත් දැක්මට සමගාමීව මහනුවර කේ.සී.සී ආයතනයේ පැවති ගුවන් විදුලිය හා සන්නිවේදනයේ අරමුණු නැමති කෘතිය ජනගත කිරීමේ අවස්ථාවට සම්බන්ධ වෙමින් ඔහු මෙම අදහස් පළ කරන ලදී.

ලංකාව ප්‍රධාන ආගම් හතරකින් පෝෂණය වූ රටක් බව මෙන්ම විවිධ සංස්කෘතික පසුබිම් ය‍ටතේ ගොඩ නැගුනු රටක් බැව් පෙන්වා දෙන සභාපතිවරයා ලංකාව ගොඩනැගීමේදී මෙම විවිධත්වය ආශිර්වාදයක් බව පැවසූ අතරම විවිධත්වය හුවා දක්වමින් ගැටුම් ඇති කර ගැනීම අනුවන ක්‍රියාවක් බවද පැවසුහ.

සිංගප්පූරුව එදා ලංකාවටත් වඩා පසුපසින් සිටි රටක් වුවත් අද සංවර්ධනයේ ඉහළ යෑමට ඔවුන්ට හැකියාව ලැබුණේ විවිධත්වය තමන්ට ආශිර්වාදය කර ගැනීම බවද බාකිර් මාකර් අවධාරණය කල අතර විවිධත්වය තුළින් ඔවුන් සිංගප්පූරුව ලොව සුන්දර ම රටක් බවට පත් කළ බව පෙන්වා දෙන ලදී.

විවිධත්වය රටක් දියුණු කිරීමට යොදා ගත හැකි ආකාරයට කදිම නිදසුනක් ‍ලී ක්වාන් යූ පෙන්වා දි ඇති අතර සිංගප්පූරුව ගොඩ නැංවීමේදී එරට අසහාය නා‍යකයෙක් වූ ලී ක්වාන් යූ එහිදී යොදා ගත් ආදර්ශ පාඨය වූයේ එක රටක් එක ජාතියක් යන්න බවද ජාතික මාධ්‍ය මධ්‍යස්ථානයේ සභාපති ඉමිතියාස් බාකිර් මාකර් මෙහිදී සිහිපත් කළේය.

Facebook Comments

HailHost