බැදුම්කර වංචාව සම්බන්ධයෙන් චෝදනා එල්ල වී ඇති හිටපු මහ බැංකු අධිපති අර්ජුන් මහේන්ද්‍රන් තවමත් රජයේ තනතුරක් හොබවන බවත් ඔහු අග්‍රාමාත්‍යවරයාගේ විදේශ සංචාරවලට පවා සහභාගි වන බව ඇඟවීමට සිරස මාධ්‍ය ජාලයේ ප්‍රවෘත්ති ප්‍රකාශය මඟින් පැරණි දර්ශන කිහිපයක් උපයෝගී කර ගනිමින් ජනතාව නොමඟ යැවීම සඳහා වංචනික උත්සාහයක යෙදෙන බව රජය පවසයි.
අර්ජුන් මහේන්ද්‍රන් මේ රජයේ කිසිදු තනතුරක් මේ වන විට නොදරන බව මලික් සමරවික්‍රම අමාත්‍යවරයා පාර්ලිමේන්තුමේදී ප්‍රකාශ කර තිබියදීත් පැරණි දර්ශන හා පුවත්පත් නිවේදන හුවා දක්වමින් පළ කරන සාවද්‍ය ප්‍රවෘත්ති පාර්ලිමේන්තුවට කරන අපහාසයක් බවයි රජය පෙන්වා දෙන්නේ.
පසුගිය සතියේ අග්‍රාමාත්‍යවරයා සහභාගිවූ ස්විට්සර්ලන්ත චාරිකාවට අර්ජුන් මහේන්ද්‍රන් සහභාගි නොවූ බව ද අග්‍රාමාත්‍ය කාර්යාලය ප්‍රකාශ කරයි.
මෙවැනි අසත්‍ය තොරතුරු වාර්තා කිරීම මාධ්‍ය සදාචාරය පමණක් නොව විද්‍යුත් මාධ්‍යයේ නෛතික බැඳීම්ද උල්ලංඝන කිරීමක් පවසයි නිවේදනයක් නිකුත් කරමින් රජය පවසන්නේ.
දුෂණ විරෝධින්ගෙන් චෝදනා
බැඳුම්කර සිද්ධියට චෝදනා එල්ලවී සිටින මහ බැංකුවේ හිටපු අධිපති අර්ජුන් මහේන්ද්‍රන් යළි මුදල් අමාත්‍යංශයේ මහ බැංකු උපදේශකවරයෙක් ලෙස කටයුතු කරමින් සිටින බව දූෂණ විරෝධී පෙරමුණ පසුගිය 23 වනදා නිවේදනයක් නිකුත් කරමින් කියා සිටියේය.
හිටපු මහ බැංකැ අධිපති මුල්‍ය මණ්ඩලයට උපදෙස් ලබා දෙන්නෙක් ලෙස කටයුතු කරමින් සිටන බවයි එම නිවේදනය මඟින් දුෂණ විරෝධී පෙරමුණේ උලපනේ සුමංගල හිමි සහ රජිත් කීර්ති තෙන්නකෝන් චෝදනා කර සිටියේ.
Facebook Comments
