මෛත්‍රීව ජනපති කළේ සංහිඳියාව සහ සහජීවනය වෙනුවෙන් – අගමැති

0

යුද්ධයෙන් පසු හිටපු ජනපති මහින්ද රාජපක්ෂ සංහිදියාව හා සහජීවනය ගොඩනැංවීමට අපොහොසත් වු බැවින් ජනතාව විසින්ම ඔහුව පරාජයට පත් කරමින් මෛත්‍රීපාල සිරිසේන රටේ ජනාධිපතිවරයා ලෙස තෝරා පත් කර බව අගමැතිවරයා පවසයි.

සිංහල, දෙමළ, මුස්ලිම්, බර්ගර් බහුතරයක් ජනතාව මෛත්‍රීපාල සිරිසේන ජනාධිපති ලෙස තෝරා ගනිමින් රටක් ලෙස අප සියලූදෙනාම එකට එකතු කරන්න යැයි ජනවරමක් ලබාදුන් බව පවසන අගමැති රනිල් වික්‍රමසිංහ එම ජනවරමට අනුව ක්‍රියා කල යුතු යැයි 29 ඉරිදා “අපේම ඉඩම – අපේම නිවස” සංකල්පය යටතේ හැටන්, “ඩන්බාර්” ක්‍රීඩාංගනයේදී පැවති උත්සවය අමතමින් කියා සිටියේය.

ඒකීය රාජ්‍යයක් ඇති කිරීමට ප්‍රධාන පක්‍ෂ දෙක අවධානය යොමු කරනවා නම් ඒ වෙනුවෙන් සහයෝගය ලබාදීමට තමන් ද සූදානම් බව ද්‍රවිඩ සන්ධානයත් කැමැත්ත පල කර ඇතැයි අගමැතිවරයා ප්‍රකාශ කළේය.

ඉතිහාසයේ පලමු වතාවට ද්‍රවිඩ පක්ෂයක් ඒකීය රාජ්‍ය සංකල්පයට කැමැත්ත පල කර ඇති බව කී අගමැතිවරයා “රටේ ජනාධිපතිතුමාටත්, ප්‍රධාන පක්‍ෂ දෙකටත්, විපක්‍ෂයේ අනෙක් පක්‍ෂවලටත් ජනතා වරමක් හිමිවී තිබෙනවා. රටක් ලෙස සියලූ දෙනා එකට එකතුවීමට අප එම වරම ප්‍රයෝජනයට ගන්නවා ද? නොමැති නම් බෙදී වෙන්වී ජීවත් වෙනවාද? අප තීරණය කළ යුතු” යි කියා සිටියේය.

රට බෙදීමට කවුරුවත් යෝජනා කර නැති බව පෙන්වා දුන් අගමැති රනිල් වික්‍රමසිංහ ලැබී තිබෙන අවස්ථාවෙන් ප්‍රයෝජන ගත යුතු බව වැඩි දුරටත් අවධාරණය කළේය.

Facebook Comments

wedding people