අගමැතිවරයා තෝරන එක අපේ වැඩක් නෙමෙයි – ජවිපෙ

0

අගමැතිවරයා තේරීම හෝ ඉවත් කිරීම තීරණය කල යුත්තේ බලය හිමි පක්ෂය මිස ඊට පිටින් සිටින දේශපාලන ව්‍යාපාර නොවන බව ජනතා විමුක්ති පෙරමුණ පවසයි.

එම දේශපාලන පක්ෂයට පිටින් සිටින ව්‍යාපාරයන්ට අගමැතිවරයා කවුද එය වෙනස් ‍වෙනවාද නැද්ද යන්න අදාළ නොවන කරුණක් බව එම පක්ෂයේ නායක අනුර කුමාර දිසානායක 15 බ්‍රහස්පතින්දා පැවති මාධ්‍ය හමුවකදී කියා සිටියේය.

“ඇත්තටම අගමැතිවරයා ඉන්නවාද අගමැතිවරයා කවුද කියන එක තීරණය කරන්න ඕන එගොල්ලන්ගේ පක්ෂය. ඒක අපේ අයිතියක් නෙමෙයි. ඕනෑම දේශපාලන ව්‍යාපාරයක නායකයෙක් ඉන්නවා ඒ නායකය කවුද කියලා තීරණය කරන්නෙ එගොල්ලන්ගේ දේශපාලන ව්‍යාපාරය ඒ නායකයාගෙන් ලබා ගත යුතු වගකීම් මොනවද කියල තීරණය කරන්න‍ෙ ඒ දේශපාලන පක්ෂය. ඒක අපි කිසිසේත්ම සම්බන්ධ වෙන අපිට අදාළ වෙන කරුණක් නෙමේ” යි අනුර කුමාර දිසානායක පෙන්වා දෙයි.

තම පක්ෂය වෙනත් පක්ෂ වල නායකයන් තේරීමට හෝ එම නායකයන්ගේ වගකිම් තෝරා දීමට මැදිහත් නොවන බවට ජවිපෙ නායකයා අවධාරණය කර සිටියේ අගමැතිවරයා තවදුරටත් එම ධුරයේ රැඳී සිටිය යුතු බව පිළිගන්නේ දැයි මාධ්‍යවේදියෙකු නැඟු ප්‍රශ්නයකට පිළිතුරු දෙමිනි.

ව්‍යවස්ථා අතහැර නැහැ

මැතිවරණ ප්‍රතිඵලයෙන් යහපාලන රජය නියෝජනය කරන ප්‍රධාන පක්ෂ දෙකම පරාජය වීම හරහා යෝජිත නව ව්‍යවස්ථාව ගෙන ඒමට සැලකිය යුතු බලපෑම් එල්ල වන බව මැතිවරණ ප්‍රතිඵලය නව ව්‍යවස්ථාව ගෙන ඒමට බාධාවක් නොවේ දැයි මාධ්‍යවේදිනියක නැඟු ප්‍රශ්නයකට පිළිතුරු වශයෙන් කී අනුර කුමාර දිසානයක මැතිවරණය සහ ව්‍යවස්ථා සංශෝධනය කරුණු දෙකක් බව තම පක්ෂය මුල සිටම පෙන්වා දුන් බව සඳහන් කළේය.

කෙසේ වෙතත් නව ව්‍යවස්ථාවක් හරහා යම් ප්‍රජාතන්ත්‍රවාදි ප්‍රතිසංස්කරණ කිහිපයක් හෝ ගෙන ඒමට දරන ලද උත්සාහය අත්හැර නොමැති බව ජනතා විමුක්ති පෙරමුණේ නායක අනුර කුමාර දිසානායක වැඩි දුරටත් කියා සිටියේය.

Facebook Comments

wedding people