සිවලෝගනාදන් විද්‍යා දැරිය මරා දැමිම සම්බන්ධයෙන් වරදකරුවන් වූ හත් දෙනකුට මරණ දඩුවම ලබා දීමට යාපනය මහාධිකරණය නියෝග කර තිබේ.
අධිචෝදනා ලබා සිටි විත්තිකරුවන් දෙදෙනකුට එරෙහි චෝදනා සාධාරණ සැකයෙන් තොරව ඔප්පු කිරීමට පැමිණිල්ල අපහොසත්වී යැයි තීරණය කළ විනිසුරු මඩුල්ල ඔවුන් සියලූ චෝදනාවලින් නිදොස් කොට නිදහස් කරන ලෙස ද නියෝග කළ අතර සෙසු සැකකරුවන් හට මරණ දඩුවම සහ බරපතල වැඩ සහිතව 30 වසරක සිර දඩුවම් හිමි විය.
වරදකරුවන් හට රුපියල් 40,000 දඩයක් නියම කළ අධිකරණය මරණයට පත් දැරියගේ පවුලේ උදවියට රුපියල් දශලක්ෂයක වන්දියක් ගෙවන ලෙසද නියෝග කර ඇත.
සිවලෝගනාදන් විද්‍යා දැරිය 2015 මැයි 13 හෝ ඊට ආසන්න දිනකදී අපයෝජනය කර මරා දැමුන අතර ඇයගේ අවසන් කටයුතු මැයි 15 දින යාපනයේදි සිදු කෙරුණි.
වව්නියාව මහාධිකරණ විනිසුරු බාලසිංහම් ශෂි මහේන්ද්‍රන් යාපනය මහාධිකරණ විනිසුරු මානික්කවාසගම් ඉලන්චේලියන් සහ ත්‍රිකුණාමලය මහාධිකරණ විනිසුරු අන්නලිංගම් ප්‍රේමශන්කර් යන ත්‍රිපුද්ගල විනිසුරු මඩුල්ල යටතේ නඩුවේ තීන්දුව ප්‍රකාශ කරන ලදී.
Facebook Comments
