හමුදාව යොදා ගනිමින් ගොඩනැඟිලි කඩා දමා කියුබාවේ ඩෙංගු නිවාරණය කල බවට සෞඛ්‍ය ඇමති රාජිත සේනාරත්න විසින් ජනාධිපතිවරයා නොමඟ යවා ඇති බවට ජනාතා විමුක්ති පෙරමුණ චෝදනා කරයි.
ඩෙංගු මර්ධනය සාමුහික උත්සාහයක් බව පෙන්වා දෙන පාර්ලිමේන්තු මන්ත්‍රී බිමල් රත්නායක “එය සමුහික ප්‍රයත්නයකින් මිස රාජිතගේ කීටයට කරන්න පුලුවන් දෙයක් නෙමේ” යි පැවසීය.
කියුබාව එම අභියෝගය ජය ගත් රටක් බව පවසන මන්ත්‍රීවරයා ඩෙංගු තුරන් කරන ලද්දේ දැඩි නීති ඔස්සේ නොව සාමුහික උත්සාහයක් බැව් ප්‍රකාශ කළේය.
වසර විස්සක. තිහක පමණ උත්සාහයකින් කියුබාවේ ඩෙංගු මර්ධනය කල බව අවධාරණය කල මන්ත්‍රී බිමල් රත්නායක එය සාමුහික උත්සාහයේ ප්‍රතිඵලයක් බව පැවසීය.
ඩෙංගු මදුරුවන්ට වෙඩි තියෙන හමුදාවක් කියුබාවේ නැති බව පවසන මන්ත්‍රීවරයා “රාජිත සේනාරත්නගේ ලණු කන්න එපා” යැයි ජනපති මෛත්‍රීපාල සිරිසේන හට අනතුරු ඇඟවිය.
Facebook Comments
