මාස දහයකට වැඩි කාලයක් රක්ෂිත බන්ධනාගාර ගත කර සිටි අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂවරයා ඇප මත මුදා හැරීමට අභියාචනාධිකරණය නියෝග කර තිබේ.
ඒ අනුව රක්ෂිත බන්ධනාගාරගත කර සිටින අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ ශානි අබේසේකර සහ එම දෙපාර්තමේන්තුවේ හිටපු පොලිස් පරීක්ෂකවරයෙකු වන සුගත් මෙන්ඩිස් යන අය දෑඩි කොන්දේසි සහිතව ඇප මත මුදාහරින ලෙසයි අභියාචනාධිකරණය නියම කර ඇත්තේ.
රුපියල් 25000 බැගින් වූ මුදල් ඇපයක් සහ විදෙස් ගමන් බලපත්‍රය අධිකරණයට බාර දෙන ලෙසද අදාළ නඩුව 16 බදාදා කැඳවු අවස්ථාවේදී නිශ්ශංක බන්දුල කරුණාරත්න සහ ආර්.ගුරුසිංහ යන විනිසුරුවන්ගෙන් සමන්විත අභියාචනාධිකරණ විනිසුරු මඩුල්ල නියෝග කර ඇත.
අධිකරණයේ අනුමැතියකින් තොරව විදේශගතවීම තහනම් නර ඇති අධිකරණය සැකකරුවන් පදිංචිව සිටින ලිපින වෙනස් කරන්නේ නම් ඒ පිළිබඳව අධිකරණය දැනුවත් කළ යුතු බවට ද කොන්දේසි පනවා තිබේ.
2020 ජූලි 31 අලුයම කොළඹ අපරාධ අංශයේ (CCD) පොලිස් නිලධාරීන් රහස් පොලිසියේ හිටපු අධ්‍යක්ෂ එස්එස්පී ශානි අබේසේකරගේ නාරහෙන්පිට මහල් නිවාසයට පැමිණ ඔහු අත්අඩංගුවට ගනු ලැබවේ 2013 වසරේදී බම්බලපිටියේ ව්‍යාපාරිකයෙකු ඝාතනය කිරීමේ සිද්ධිය සම්බන්ධයෙන් “ගිනි අවි නඩුවේ සාක්ෂි ගොතන ලදැයි” බව පවසමිනි.
එම නඩුවට අදාළව හිටපු නියෝජ්‍ය පොලිස්පති වාස් ගුණවර්ධන ඇතුළු විත්තිකරුවන් කීප දෙනෙකුට එරෙහිව අසත්‍ය සාක්ෂි නිර්මාණය කළැයි කියන සිද්ධියක් සම්බන්ධයෙන් ශානි අබේසේකර හා උප පොලිස් පරීක්ෂක සුගත් මෙන්ඩිස් හට චෝදනා එල්ලවී ඇත.
අධිනීතිඥ විරාස් කොරයා සහ චමින්ද අතුකෝරාල පෙත්සම්කාර පොලිස් නිලධාරීන් දෙදෙනා වෙනුවෙන් පෙනී සිටි අතර අතිරේක සොලිස්ටර් ජනරාල් රොසාන්ත අබේසූරිය නීතිපති වෙනුවෙන් පෙනී සිටියේය.
Facebook Comments
