සමාජයේ පවතින මිත්‍යා මත වලට පහර එල්ල කරමින් ජාතික රූපවාහිනිය ඔස්සේ විකාශය කෙරුණු යාථාරූප වැඩසටන ජනපති නියමයෙන් නවතා දමා තිබේ.
එම වැඩසටහන වෙනු‍වට රාජපක්ෂ පාලන සමයේ මෙන් ජ්‍යොතිෂ්‍ය සහ තවත් මිත්‍යාව පතුරුවන වැඩසටහන් විකාශය කිරිමට ජාතික රූපවාහිනි බලධාරින් පියවර ගෙන ඇත.
ජ්‍යොතිෂය වැනි මිත්‍යා මත වලට ජනතාවගේ විශ්වාසය පවතින බැවින් එවැනි මතයන්ට පහර නොගසන ලෙස ජනාධිපති මෛත්‍රීපාල සි‍රිසේනගෙන් ලැබුණ උපදෙස් මත රූපවාහිනි බලධාරින් මෙම පියවර ගෙන ඇති බවටයි රූපවාහිනි ආරංචි මාර්ග පවසන්නේ.
රාජපක්ෂ පාලන සමයේදී විචේචනයට ලක්වු රාජ්‍ය මාධ්‍ය යහපාලන රජය බිහිවු වහාම ජනතාවට වැදගත් රසවින්දනාත්ම වැඩසටහන් ඉදිරිපත් කිරීමට පියවර ගෙන තිබුණි.
“කණට පාරක්”
කෙසේ වෙතත් ජනාධිපතිවරයාගේ උපදෙස් මත රාජ්‍ය මාධ්‍ය ඔස්සේ විකාශය ආරම්භ කරන ලද ජ්‍යොතිෂ්‍ය සහ මිත්‍යාව වපුරවන වැඩසටහන් වලට සමාජ මාධ්‍ය හරහා අප්‍රසාදය පල වෙමින් පවතින බවයි වාර්තා වන්නේ.
හිටපු ජනපතිනිගේ සභාපතින්වයෙන් යුත් ජාතික සමගිය හා සංහිඳියා කාර්යාංශයේ අනුග්‍රාහය යටතේ ITN fm රේඩියෝව ඔස්සේ විකාශය වු “කණට පාරක්” රේඩියෝ නාට්‍ය නවතා ඒ පිළිබඳව පොලිස් පරික්ෂණයක්ද ආරම්භ කර ඇත.
එම නාට්‍ය පිළිබඳව ජාතික සමගිය හා සංහිඳියා කාර්යාංශයේ වැඩසටහන් නිලධාරි තේජිත එදිරිසිංහ සංවිධානාත්මක අපරාධ විමර්ශණ ඒකකයට කැඳවා ප්‍රශ්න කර තිබේ.
Facebook Comments
