බැඳුම්කර විවාදයට දින නියම වෙයි

0
330
wedding people
Loading...

මහ බැංකු බැඳුම්කර පිළිබඳ ජනාධිපති කොමිෂන් සභා වාර්තාව පාර්ලිමේන්තුවේ විවාදය පෙබරවාරි මස 06 දින පවත්වන බවට පාර්ලිමේන්තුවේ නියෝජ්‍ය මහලේකම්, කාර්යමණ්ඩල ප්‍රධානී නීල් ඉද්දවල දැනුම් දුන් බව රජයේ නිල වෙබ් අඩවිය පවසයි.

පාර්ලිමේන්තු කටයුතු පිළිබඳ කාරක සභාව 30 අඟහරුවාදා කථානායක කරු ජයසුරියගේ ප්‍රධානත්වයෙන් රැස් වු අවස්ථාවේදී මෙම තීරණයට එළඹ ඇත.

කථානායකතුමාගේ විශේෂ ඇරයුම පරිදි මැතිවරණ කොමිසන් සභාවේ සභාපති මහින්ද දේශප්‍රිය එහි සෙසු සමාජිකයන් දෙදෙනා වන ජනාධිපති නීතිඥ නලින් ජයන්ත අබේසේකර, මහාචාර්ය සැමුවෙල් රත්නජීව යන අයවලුන් සහ අතිරේක මැතිවරණ කොමසාරිස් එම්.එම්.මොහොමඩ් ද මෙම අවස්ථාවට සහභාගි වී තිබේ.

එළඹෙන පෙබරවාරි 08 දින පාර්ලිමේන්තුව කැඳවීම පිළිබඳව අගමැතිවරයා විසින් පලකර ඇති අදහස් සහ එහිදී ඇති විය හැකි ප්‍රයෝගික තත්වයන් පිළිබඳව මැතිවරණ කොමිෂන් සභාව පෙන්වා දී ඇති කරුණු කෙරෙහි රැස්වීමේ මූලික අවධානය යොමු ව ඇති බවයි රජයේ නිල වෙබ් අඩවිය පවසන්නේ.

මැතිවරණ දිනය සලකා බලා එයට බාධා නොවන ලෙසට පෙබරවාරි 06 වනදා පාර්ලිමේන්තුව සුදුසු බව අගමැතිවරයා මෙහිදි යෝජනා කර ඇති අතර එයට පක්ෂනායකයන්ගේ එකඟතාව ලැබී තිබේ.

ඒ පෙබරවාරි මස 06 දින පෙ.ව. 10.30 ට පාර්ලිමේන්තුව රැස්වීමට නියමිත වන අතර, එහිදී බරපතල වංචා හා දූෂණ පිළිබඳ ජනාධිපති කොමිෂන් සභා වාර්තාව සහ මහබැංකු බැඳුම්කර පිළිබඳ ජනාධිපති කොමිෂන් සභා වාර්තාව පාර්ලිමේන්තුවේ විවාදයට ගැනෙනු ඇති බව කතානායක මාධ්‍ය ඒකකය සඳහන් කරයි.

මෙම අවස්ථාව සඳහා නියෝජ්‍ය කථානායක ගරු තිලංග සුමතිපාල, පාර්ලිමේන්තු කටයුතු පිළිබඳ කාරක සභාව නියෝජනය කරන ඒ ඒ පක්ෂ නියෝජිතයන් වන අමාත්‍ය ලක්ෂ්මන් කිරිඇල්ල. අමාත්‍ය මහින්ද සමරසිංහ, පාර්ලිමේන්තු මන්ත්‍රි දිනේෂ් ගුණවර්ධන, පාර්ලිමේන්තු මන්ත්‍රී රවි කරුණානායක , පාර්ලිමේන්තු මන්ත්‍රී විජිත හේරත් සහ ද්‍රවිඩ ජාතික සන්ධානයේ නියෝජිතයා ලෙස පාර්ලිමේන්තු මන්ත්‍රී ඒ. සුමන්තිරන් ද සහභාගී වී ඇත.

Facebook Comments

Loading...