අධිකරණ නියෝගයක් මගින් රාජසන්තක කරන ලද්දේ CSN ආයතනයේ මුදල් නොවන බව එම ආයතනයේ අධ්‍යක්ෂක රොහාන් වැලිවිට පවසයි.
ඔහු නිකුත් කළ මාධ්‍ය නිවේදනයක දැක්වෙන්නේ එම රාජසන්තක කළා යැයි කියන මුදල් CSN ආයතනයට අයත් ගිණුමක නොව වෙනත් ආයතනයකට අයත් ගිණුමක තිබූ මුදල් බවයි.
රාජසන්තක වූ මුදල් තම ආයතනයට අයත් ගිණුම්වල ඇති මුදල් නොවන බවට අදාල බැංකු ආයතන ද තමාට සහතික කොට ඇති බවත් රොහාන් වැලිවිට පෙන්වා දෙනවා.
Amtrad Holding නැමැති සමාගමේ මුදල් මෙසේ රාජසන්තක කර ඇති බවත්, එම සමාගමේ රොහාන් නමැති අධ්‍යක්ෂකවරයෙකු සිටින බවත් එම නම ඈඳා ගනිමින් එම පුද්ගලයා තමා ලෙස අර්ථ දක්වමින් ජනමාධ්‍ය ආයතන මෙම පුවත ප්‍රචාරය කළ බවත් අදාල මාධ්‍ය නිවේදනයේ සඳහන් වේ.
ඔහු සිය නිවේදනය මගින් වැඩිදුරටත් දක්වා ඇත්තේ එම මුදල් එම මුදල් CSN නාලිකාව ආරම්භ කළ අවස්ථාවේ සිට අද දක්වා සිටින අධ්‍යක්ෂවරුන්ගේ හෝ කොටස් හිමියන්ගේද මුදලක් නොවන බවයි.
Facebook Comments
