මහ බැංකු මංකොල්ලයට සම්බන්ධ සියලු දෙනාට එරෙහිව නීතිය ක්‍රියාත්මක කරමින් ඔවුන්ට දඬුවම් ලබාදීම සඳහා අග‍්‍රාමාත්‍යවරයා ප‍්‍රමුඛ පක්ෂ විපක්ෂ සියලු දෙනා තමන්ට සහය ලබාදිය යුතු බව මෙන්ම ඒ සඳහා තමන් ශක්තිමත් කරනවා මිස කිසිදු අවස්ථාවක තමාව දුර්වල කිරීමට ඔවුන් කටයුතු නොකළ යුතු බවට ජනාධිපතිවරයා අවධාරණය කර තිබේ.
පැවති රජයෙන් ඉවත්වූ විට ද ශ්‍රී ලංකා නිදහස් පාක්ෂිකයින් තමාට චෝදනා කළ අතර අද එක්සත් ජාතික පාක්ෂිකයින් ද තමාට චෝදනා නගමින් සිටින බව පැවසූ ජනාධිපති මෛත්‍රීපාල සිරිසේන තමා එම කිසිදු පාක්ෂිකයෙකුට ද්‍රෝහි වූවා නොව තමා සැමදා කටයුතු කරන්නේ දූෂණයට, වංචාවට, හොරකමට, නාස්තියට සහ ඒකාධිපතිවාදයට මෙන්ම පවුල්වාදයට එරෙහිව බව ද කියා සිටියේය.
යහපාලන ආණ්ඩුව අසමත් බැවින් තමන් සමග එක්වන ලෙස හිටපු නායකයා කර ඇති ප‍්‍රකාශය සිහිපත් කළ ජනපති තෙවරක්ම අසමත් වූ අයුරු හිටපු ජනපති මහින්ද රාජපක්ෂ හට අමතක වී ඇති බව වැඩි දුරටත් ප්‍රකාශ කළේය.
Facebook Comments
