මනස හදන්න රාජිත අනෝජාගේ සහාය පතයි

0
Ivory Agency Sri Lanka
wedding people

මානසික සෞඛ්‍ය සේවාව ප්‍රවර්ධනය කිරිම සදහා ජනප්‍රිය රංගල ශිල්පිනි අනෝජා වීරසිංහ තමන් සමඟ අත්වැල් බැඳ ගත් බව සෞඛ්‍ය අමාත්‍යංශය පවසයි.

එහිදි ඉදිරි වැඩි පිළිවෙල සම්බන්ධ සාකච්ඡාවක් සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න ප්‍රධානත්වයෙන් පැවැත්වු බව නිවේදනය කරන අමාත්‍යංශය මානසික සෞඛ්‍ය සේවාව ප්‍රවර්ධනය කිරීම සදහා දිස්ත්‍රික් මට්ටමින් යෝග ව්‍යායාම් ආරම්භ කිරීමට තීරණය කර තිබේ.

එම යෝග ව්‍යායාම් සිදු කිරීමේ දී ඉන්දීය මහකොමසාරිස් කාර්යාලයේ සහයෝගය ලබාගැනීමට ද පියවර ගන්නා ලෙස සෞඛ්‍ය අමාත්‍යවරයා උපදෙස් දී ඇති බවද සෞඛ්‍ය අමාත්‍යංශය පවසයි.

පුහුණු කිරීමේ වැඩසටහන් ත්‍රිවිධ හමුදාවේ සිටින යෝග පුහුණුකරුවන් යොදාගනිමින් සිදු කිරීමට ද සාකච්ඡා කර ඇති අතර දිවයින පුරා රෝහල්වල සිටින කාර්ය මණ්ඩල වලට, පාසල් දරුවන්ට සහ ආචාර්ය මණෟඩලයට මෙන්ම දෙමාපියන්ට ද මෙම පුහුණුව ලබාදීමට සැළසුම් කර තිබේ.

මානසික සෞඛ්‍ය සේවාව සදහා විධිමත් සහයෝගයක් රජයෙන් නොලැබුන ද වත්මන් සෞඛ්‍ය අමාත්‍යවරයා විසින් එම සහයෝගය ලබාදෙන බවට අනෝජා වීරසිංහ මෙහිදි පැවසු බව සෞඛ්‍ය අමාත්‍යංශය කියා සිටි.

මෙම අවස්ථාවට සෞඛ්‍ය අමාත්‍යාංශයේ අධ්‍යක්ෂ (මානසික සෞඛ්‍ය) චිත්‍රමාලි ද සිල්වා, අංගොඩ ජාතික මානසික සෞඛ්‍ය විද්‍යායතනයේ විශේෂඥ වෛද්‍ය කපිල රණසිංහ ඇතුලු පිරිසක් එක්ව සිටියහ.

Facebook Comments