උදා ගම්මන වැඩ පිළිවෙලට විරුද්ධ පිරිස් වලින් එල්ල වන විවේචන හා තර්ජන හමුවේ තමන්ව මරා දමාවි දැයි නොදන්නා බවට සජිත් ප්‍රේමදාස අමාත්‍යවරයා ප්‍රකාශ කර තිබේ.
“උඩුගම් බලා පිහිනනකොට සමහර නරි ගං ඉවුර දෙපැත්තේ ඉදන් හූ කියනවා. අපේ උදාගම්මාන වැඩසටහනත් උඩුගම් බලා පිහිනන වැඩසටහනක්. නමුත් කණගාටුවට කාරනාව අර ඉවුර දෙපැත්තේ ඉන්න නරි කොට්ඨාශය දිගටම චරිත ඝාතනය කරනවා. කොච්චර විවේචනද? කොච්චර තර්ජනද කිව්වොත් මාව මරලා දායිද කියලා වෙලාවකට හිතෙනවා. ”
තමන්ට විරුද්ධ පිරිස් නරි ලෙස හැඳින්වු ඇමැති සජිත් ඔවුන් තමන්ට දමා ගැසීමට දේශපාලන ග්‍රැනේට් තබාගෙන සිටින බව ද ප්‍රකාශ කළේය.
සැමට සෙවණ යළි පිබිදෙන උදාගම්මාන වැඩසටහන යටතේ ගාල්ල ඇල්පිටිය ප්‍රදේශයේ ඉදිකළ 216 වන අභිසෙස්ගම නිවාස සංකීර්ණය විවෘත කිරීමට එක්වෙමින් නිවාස ඉදිකිරීම් හා සංස්කෘතික කටයුතු අමාත්‍ය සජිත් ප්‍රේමදාස මේ බව පැවසීය.
Facebook Comments
