ජනවාරි මස අවසන්වීමට පෙර සීමානිර්ණ අභියාචනා කමිටු වාර්තාව ගැසට් කිරීමට කටයුතු කරන බව පළාත් සභා හා පළාත් පාලන අමාත්‍ය ෆයිසර් මුස්තාපා පවසයි.
සීමානිර්ණ වාර්තාව භාරදීමෙන් අනතුරුව අදහස් දැක්වූ අමාත්‍ය ෆයිසර් මුස්තාපා එම අදහස් පල කළේය.
මාස ගණනාවක් පුරා කල් බරින් සිටි සීමානිර්ණ අභියාචනා කමිටු වාර්තාව එහි සභාපති අශෝක පීරිස් විසින් අඟහරුවාදා (17දා) පස්වරුවේ පළාත් සභා හා පළාත් පාලන අමාත්‍යංශ ශ්‍රවණාගාරයේදී අමාත්‍යවරයාට භාර දුන්නේය.
ඒ අනුව අදාළ වාර්තාව අමාත්‍යංශ ලේකම්වරයා වෙත භාරදීමෙන් අනතුරුව මුද්‍රණ දෝෂ බලා මේ මස 31ට පෙර ගැසට් මඟින් ප්‍රකාශයට පත් කිරීමට කටයුතු කරන බව අමාත්‍යවරයා මෙහි දී සඳහන් කළේය.
එම අවස්ථාවට කමිටු සාමාජිකයන් වන ඒ.එස්.එම්. මිස්බාර්, සාලිය මැතිව්, උපුල් කුමාරප්පෙරුම සහ පී. බාලසුබ්‍රමණියම්පිල්ලේ ද එක්ව සිටියහ.
Facebook Comments
