ජනපති මෛත්‍රී විල්පත්තුවේ ඉඩම් යළි පවරා ගැනීමට සැරසෙයි

0
1166
Ivory Agency Sri Lanka
wedding people

කිසිදු ආකාරයක විනාශයක් සිදුවී නැතැයි ජනාධිපතිවරයා ප්‍රකාශ කළ විල්පත්තුවේ ජනාවාස පිහිටුවීම සදහා ලබා දී තිබෙන විශාල භුමියක් යළි රක්ෂිත ලෙස නම් කර රජයට පවරා ගැනීමට ජනාධිපති මෛත්‍රීපාල සිරිසේන සුදානම් වන බව සිලෝන් ජර්නල්ස් වෙත වර්තා වේ.

ඒ සම්බන්ධයෙන් අදාල බලධාරීන් සමඟ පසුගිය දිනක විල්පත්තු වනයේ වන විනාශ සම්බන්ධයෙන් ජනාධිපතිවරයා දිර්ඝ ලෙස සාකච්ඡා කර ඇති අතර එම සාකච්ඡා වලින් අනතුරුවයි ජනාධිපතිවරයා මෙම තීරණයට එළෙඔ ඇත්තේ.

මේ මස අවසන් වීමට පෙර එම ඉඩම් ආපසු පවරා ගැනීමට නියමිත අතර ඒ සඳහා මේ වන විටත් අවශ්‍ය කටයුතු සුදානම් වන බවටයි සිලෝන් ජර්නල්ස් වෙත වාර්තා වන්නේ.

ජනාධිපතිවරයාගේ උපදෙස් මත මෙසේ පවරා ගනු ලබන ඉඩම් ප්‍රමාණය අක්කර දහසකට ආසන්න බව රජයේ අභයන්තර ආරංච් මාර්ග සදහන් කරයි.

කිසිදු ආකාරයක විනාශයක් සිදුවී නැතැයි ජනාධිපතිවරයා ප්‍රකාශ කළ විල්පත්තුව ඇස් ඉදිරිපිටදීම විනාශ වෙමින් පවතින බව දිවයිනේ ප්‍රකට ව්‍යාපාරික කාන්තාවක් වු ඔටාරා ගුණවර්ධන ද පසුගිය දිනෙක පවසා තිබුණි.

කලකට පෙර ඉතා ගාම්භීරව නැගී සිටි සත්ව සම්පතට ජීව භූමිය වූ විල්පත්තුව සමීපයේ පවතින විලතිකුලම් වන සංරක්ෂිතයේ අක්කර 700කට වැඩි භූමි භාගයක් දැනටමත් එලි කර ඉදිකිරීම් සහ පදිංචිකිරීම් ආරම්භ කර ඇති බව ද ඇය එහිදී අනාවරණය කර තිබුණි.

කෙසේ නමුත් දිවයිනේ ප්‍රධානතම වන සංරක්ෂිතයක් වන විල්පත්තු අභය භුමිය හා ඒ අවට කැලෑ විනාශ කරමින් ජනාවාස ඉදිකරමින් තිබෙන බවට නැගෙන චෝදනා එයට දින කිහිපයකට පසුව මුස්ලිම් දේශපාලන හා ආගමික නායකයන් විසින් ප්‍රතික්ෂේප කර තිබුණි.

විල්පත්තු ආශ්‍රිතව ජනතාව පදිංචි කර ඇත්තේ පුද්ගලික ඉඩම් වල වන අතර එය ගිය ආණ්ඩුව විසින් වෙන් කර දුන් ප්‍රදේශයක් බවට එහිදී ඔවුන් අවධාරණය කර තිබුණි.

නැවත පදිංචි කිරීම් කටයුතු සදහා විශාල වන සංහාරයක් සිදු නොකර වෙනත් ප්‍රදේශවලින් ඉඩම් ලබාදීමට හැකියාව තිබියදී පටු තීන්දු තීරණ ගෙන පසුගිය රජය විසින් කරන ලද විල්පත්තු වන විනාශය පිළිබදව අද ඇතැමුන් වත්මන් රජයට වැරදි ලෙස චෝදනා එල්ල කරමින් සිටින බව ජනාධිපති මෛත්‍රිපාල සිරිසේන විසින් 2016 වසරේ ජනවාරි මාසයේදී පවසා තිබුණි.

ජනාධිපතිවරයා එම ප්‍රකාශය සිදු කර තිබුනේ ක්ෂේත්‍ර සහකාරවරුන් 290 දෙනෙකුට පත්වීම් ලිපි ප්‍රදානය කිරීම සදහා 2016 ජනවාරි 04 දින පස්වරුවේ බත්තරමුල්ල, අපේගම පරිශ්‍රයේ පැවති උත්සවය අමතමිනි.

Facebook Comments