මරණීය දණ්ඩනය අහෝසි කිරීම වෙනුවෙන් එක්සත් ජාතික පක්ෂ මන්ත්‍රීවරයෙකු පාර්ලිමේන්තුවට ඉදිරිපත් කර ඇති යෝජනවා පාස්කු ප්‍රහාරකයන් රැකීමට ගන්නා උත්සාහයක් බවට ජනාධිපතිවරයා චෝදනා කර තිබේ.
ඇසල පෝහෝ දිකයට පෙර දිනයේ ජනපති මෛත්‍රීපාල සිරිසේන මහත් ඕනෑකමින් හතලිස් අවුරුද්දකට වැඩි කාලයක් තිස්සේ නවතා දමා තිබු එල්ලුම් ගහ යුක්ති සහගත කිරීමට ඉදිරිපත් වුයේ පැළෑඳ රජමහා විහාරයේ අභිනවයෙන් ඉදිකරන ලද සර්වඥ ධාතු මන්දිරය, පුස්තකාලය සහ ධර්ම මන්දිරය සඟ සතු කොට පූජා කිරීමේ පින්කමට සහභාගි වූ පිඹුරේ උදිත මහ නාහිමි ප්‍රමුඛ ගිහි, පැවිදි බෞද්ධ සැදැහැවතුන් හමුවේය.
“අප්‍රේල් 21 මේ රටේ මහා මිනිස් ඝාතනයක් කරපු ත්‍රස්තවාදීන්ටත් නීති පොතේ තියෙන මරණීය දණ්ඩනය දෙන්ඩ බැරිව යනවා, ඒකත් වලක්වන්න තමයි මේ පනත ගේන්නේ කියලා මට එහෙනම් කියන්න සිද්ධ වෙනවා,” යි ජනාධිපති මෛත්‍රිපාල සිරිසේන ප්‍රකාශ කළේය.
මරණ දඬුවම ක්‍රියාත්මක කිරීමේ ජනපති තීරණය වලක්වාලීම සඳහා එය සදහටම අහෝසි කිරීම වෙනුවෙන් පුද්ගලික මන්ත්‍රී යෝජනාවක් පාර්ලිමේන්තුවට ඉදිරිපත් කර තිබෙන බන්දුලාල් බණ්ඩාරිගොඩ මන්ත්‍රීවරයා නියෝජනය කරන එක්සත් ජාතික පක්ෂයේ අමාත්‍ය රාජිත සේනාරත්නද එම අවස්ථාවට එක් වී සිටියේය.
පැළෑද රජමහා විහාර දේශනාව පවත්වමින් ජනාධිපති මෛත්‍රිපාල සිරිසේන විසින් තමන් හඳුන්වා දෙන ලද්දේ “උදේ හවස බුදුන් වන්දනා කරන, දෙවියන්ට පිං දෙන කෙනෙක්” ලෙසිනි.
මරණීය දණ්ඩනය ක්‍රියාත්මක නොකිරීමේ ජගත් සම්මුතියක පාර්ශවකාර ශ්‍රී ලංකාවේ ජනාධිපති වරයා හතර දෙනකු එල්ලා මැරීමට දී ඇති අනුමැතිය රටේ ඉහලම අධිකරණය විසින් අත්හිටුවා තිබේ.
Facebook Comments
