මාධ්‍යවේදීන් මරා දැමීම ඇතුළුව ඝාතන වලට සම්බන්ධ බවට චෝදනා එල්ල වන තැනැත්තෙකු මෙරට ජනාධිපති ධුරයට පත් කිරීමට තරම් ජනතාව මෝඩ නොවන බවට මුල් පෙළේ වාමාංෂික නායකයෙකු විශ්වාසය පළ කර තිබේ.
ගෝඨාභය රාජපක්ෂ ජනාධිපති අපේක්ෂකයා ලෙස ඉදිරිපත් කලහොත් පොහෙට්ටු පක්ෂයට ලැබෙන ජන්ද ප්‍රමාණයත් නොලැබී යන බවයි නව සම සමාජ පක්ෂ නායක ආචාර්ය වික්‍රමබාහු කරුණාරත්න පෙන්වා දෙන්නේ.
“මේවගේ දරුණු කෙනෙක් දැම්මාම ලිබරල්වාදියාට බලයට එන්න වඩා ඉඩ කඩ ලැබෙන නිසා තකතීරු කමක් විදියට අපිට සන්තෝස වෙන්න පුලුවන්.” යැයි ආචාර්ය වික්‍රමබාහු පසුගියදා කොළඹ පැවති මාධ්‍ය හමුවක දී කියා සිටියේය.
ගෝඨභය රාජපක්ෂ කයිවාරු කාරයෙක් ලෙස හැඳින්වු නව සම සමාජ පක්ෂ නායක වික්‍රමබාහු කරුණාරත්න ඔහු යුද්ධය මුවාවෙන් මිනීමැරුම් සිදු කල බව වැඩි දුරටත් සඳහන් කළේය.
Facebook Comments
