පාස්කු ඉරිදා ප්‍රහාර මාලාවට සැක පිරිස් හා හිටපු ආරක්ෂක ලේකම් අතර පැවැති සම්බන්ධතා ගැන සුව ඇමැතිවරයා හෙළි කර තිබේ.
බුද්ධි අංශ උපුටා දක්වමින් රාජිත සේනාරත්න ඇමැතිවරයා පවසන පරිදි තව්හිද් ජමාද් මෙන්ම බොදු බල සේනා ඇතුළු දැඩි මතධාරී බෞද්ධ සංවිධාන පවත්වාගෙන යාම සඳහා මුදල් යොදවා ඇත්තේ හිටපු ආරක්ෂක ලේකම් ගෝඨාභය රාජපක්ෂ යටතේ පැවති යුද හමුදා බුද්ධි අංශයේ විශේෂ ඒකකයකි.
තව්හිද් ජමාද් නායක අබ්දුල් රසික් රෆික්ඩීන් බුද්ධි අංශ සාමාජිකයකු බවට හෙළිවී ඇතැයිද කී රාජිත සේනාරත්න අමාත්‍යවරයා ඔහු ඇතුළුව එම සංවිධා‍නයේ විසි හය දෙනෙකුට රාජපක්ෂ පාලන සමයේදී හමුදාවෙන් වැටුප් ගෙවා ඇති බවද අනාවරණය කළේය.
මඩකලපු දිස්ත්‍රික්කයේ පොලිස් නිලධාරීන් දෙදෙනකු ඝාතනය කිරීමට ගෝඨාභය රාජපක්ෂට සම්බන්ධ යුද හමුදා බුද්ධි අංශ නිලධාරීන් පිරිසක් සම්බන්ධ බවට හෙළිවී ඇතැයි ද රාජිත සේනාරත්න අමාත්‍යවරයා පවසයි.
ඒ දෙදෙනාගේ රාජකාරි ගිනි අවි තව්හිද් ජමාද් සංවිධානයට සම්බන්ධ වවුනතීව් සහ වනාතවිල්ලුව නිවාස දෙකක් වැටලීමේදී සොයාගන්නා ලද බව පොලිස් මාධ්‍ය ප්‍රකාශක රුවන් ගුණසේකර පසුගිය සතියේදී ප්‍රකාශ කළේය.
Facebook Comments
