පාස්කු ප්‍රහාරය කල් තියා වලක්වා නොගැනීමට දඬුවම් කළ යුත්තේ පොලිස් ප්‍රධානියාට නොව දේශපාලන අධිකාරියට බව වාමාංශික නායකයකු පෙන්වා දෙයි.
බුද්ධි අංශ හරහා ලද තොරතුරු මත තමන්ට ක්‍රියා කළ හැකි ආකාරයට ආරක්ෂක විසින් විසින් කටයුතු කර ඇති බවයි නව සම සමාජ පක්ෂ නායකයා පවසන්නේ.
“පොලිස්පතිට දඩුවම් දෙනවට අපි විරුද්ධයි. දඬුවම් දෙන්න ඕනෙ මිනිස්සු ඉන්නේ දේශපාලනඥයො, දේශපාලනඥයන්ට තමයි යම් කිසි තොරතුරුක් ආවාම ඒක සලකා බලලා ඒක පැහැදිලි කරගෙන පහල ඉන්න නිලධාරි තට්ටුවට ඒක ක්‍රියාත්මක කරන්න තල්ලු කරන්නේ,” යැයි ආචාර්ය වික්‍රමබාහු කරුනාරත්න කියා සිටියේය.
“ජාතිවාදයට සමගියෙන් පහර දෙමු” තේමාව කර ගනිමින් නව සම සමාජ පක්ෂය විසින් කොළඹ පැවත්වු මැයි දින රැළියට 1 බදාදා එක්වු ආචාර්ය වික්‍රමබාහු කරුණාරත්න මේ බව සඳහන් කළේය.
පාස්කු ප්‍රහාරය කල් තියා වළක්වා නොගැනිමේ වගකීම බාරගෙන පොලිස්පති පුජිත් ජයසුන්දරට සිය ධුරයෙන් ඉල්ලා අස්වන ලෙසට ජනාධිපතිවරයා කරන ලද ඉල්ලීම ඔහු විසින් ප්‍රතික්ෂේප කර තිබු බවට මාධ්‍ය වාර්තා කර තිබුණි.
වත්මන් පොලිස්පතිවරයා රාජකාරියේ නිරතව සිටියදීම ජනාධිපතිවරයා විසින් වැඩ බලන පොලිස්පතිවරයා ලෙස 29 සඳුදා ජ්‍යෙෂ්ඨ නියෝජ්‍ය පොලිස්පති සී.ඩී. වික්‍රමරත්න පත් කල අතර නව වැඩ බලන පොලිස්පතිවරයා පත් කිරිමත් සමඟම පොලිස්පතිවරයා අනිවාර්ය නිවාඩු යැවීමට ජනපති මෛත්‍රීපාල සිරිසේන විසින් කටයුතු කර ඇති බව ද මාධ්‍ය වාර්තා කළේය.
Facebook Comments
