හැට වසරකට ආසන්න කාලයක් තහනම් කර තිබිමෙන් පසු මංගල ඇමැතිවරයා ලබා දී ජනාධිපතිවරයා විසින් ආපසු හරවනු ලැබු මත්පැන් විකිනිමේ,මිලට ගැනිමේ සහ එම ස්ථාන වල සේවය කිරිමේ සමාන අයිතිය ඉල්ලා කාන්තාවෝ පිරිසක් ශ්‍රේෂ්ඨාධිකරණයේ මුලික අයිතිවාසිකම් පෙත්සමක් ගොනු කර ඇත.
නිෂාන්ති බණ්ඩාරනායක , එම්.ඞී.ජේ.බී ප‍්‍රනාන්දු , සමනළී ෂානිකා ෆොන්සේකා ,චන්දිමා රවිනි ජිනදාස , දීපාන්ජලී අබේවර්ධන ,සබ්රීනා එසුෆුලි , ෂාරන්‍ය සේකරම් , රන්දුලා ද සිල්වා , මේනකා ගල්ගමුව ,සුජාතා ගමගේ , විශාකා පෙරේරා තිලකරත්න යන කාන්තාවෝ 17 බදාදා ශ්‍රේෂ්ඨාධිකරණය හමුවේ පෙත්සම ගොනු කර තිබේ.
මෙම ගැසට් නිවේදන හකුලා ගැනීම හරහා ආණ්ඩුක‍්‍රම ව්‍යවස්ථාවේ 12 (1) සහ 14(1) ජී යන වගන්තීන් යටතේ හිමිව ඇති සමාන ලෙස සැලකීමේ මුලික අයිතිවාසිකම කඩ වී ඇති බවයි පෙත්සම්කාරියෝ පෙන්වා දෙන්නේ.
පෙත්සමේ වගඋත්තරකරුවන් වශයෙන් මුදල් හා ජනමාධ්‍ය අමාත්‍ය මංගල සමරවීර ,එම අමාත්‍යාංශ ලේකම් ආර්.එච්.එස්.සමරතුංග සහ නීතිපතිවරයා නම් කරනු ලැබ සිටිති.
කාන්තාවන් හට මත්පැන් අලෙවි කිරීම, මිලට ගැනීමට සහ මත් පැන් විකුණන හා අලෙවිකරන ස්ථානවල සේවය කිරීමට කාන්තාවන්ට පැවති තහනම ඉවත් කරමින් මුදල් හා ජනමාධ්‍ය අමාත්‍ය මංගල සමරවීර විසින් ජනවාරි 10 ඉදිරිපත් කරන ලද ගැසට් නිවේදනය ජනාධිපතිවරයාගේ ඉල්ලීමකට අනුව හකුලා ගනු ලැබීය.
Facebook Comments
