එන්නත්කරණය වේගවත් කළහොත් සැප්තැම්බර් මාසය වනවිට රට සම්පූර්ණයෙන්ම විවෘත කිරීමට හැකිවනු ඇති බවට ජනාධිපතිවරයා විශ්වාසය පළ කර තිබේ.
“එන්නත් මාත්‍රා ලක්ෂ 90ක් මේ මාසෙදි අපට ලැබෙනවා .මේ තත්ත්වය නිසා අපිට සැප්තැම්බර් වෙනකොට මේ රට සම්පූර්ණයෙන්ම විවෘත කරන්න පුළුවන් වේවි.” ජනාධිපති ගෝඨාභය රාජපක්ෂ 05 සඳුදා පැවති 99 වන ජාත්‍යන්තර සමුපකාර දින සැමරුම් උත්සවය අමතමින් කියා සිටියේය.
ඉක්මනින්ම රට විවෘත නොකළහොත් ආර්ථිකය ඉදිරියට ගෙන යෑමට නොහැකි වන බවද ජනපති මෙහිදි පැවසීය.
“අපි ඉක්මනින්ම රට විවෘත නොකළොත් මේ ආර්ථිකය ඉදිරියට ගෙනියන්න පුළුවන්කමක් වෙන්නේ නෑ.” ඔහු තව දුරටත් සඳහන් කර ඇත.
Facebook Comments
