හිටපු නිතිපති හා අගවිනිසුරු වන මොහාන් පිරිස් හා හිටපු අතිරේක සොලිසිටර් ජනරාල් හා වර්තමාන අභියාචනාධිකරණ විනිසුරු ඒ.එච්.එම්.ඩී නාවස් සහ හිටපු ලංකා විදුලිබල පෞද්ගලික සමාගම (ලෙකෝ) හිටපු ලේකම් එම්.එම්.සී. ෆර්ඩිනැන්ඩස් හට කොටුව ප්‍රධාන මහේස්ත්‍රාත්වරයා විසින් සිතාසි නිකුත් කර තිබේ.
ලංකා විදුලිබල පුද්ගලික සමාගමට ඉඩම් මිලදි ගැනීමක දී අක්‍රමිකතා සිදුවු බවට පරීක්ෂණ කමිටු 2ක් මඟින් නිර්දේශ ඉදිරිපත් කර තිබියදී ඊට වගකිව යුතු ලෙකෝ හිටපු ලේකම් එම්.එම්.සී. ෆර්ඩිනැන්ඩස්ට එරෙහිව අපරාධමය නීතිමය ක්‍රියාමාර්ග නොගෙන එවක නීතිපතිවරයා සහ නීතිපති දෙපාර්තමේන්තුවේ එවකට සොලිසිටර් ජෙනරාල්වරයා නඩු පැවරිම වැළැක්වීම සඳහා අයුතු සහගත ලෙස නිතිපති වාර්තාවක් ලබාදීම යන චෝදනාව යටතේ මෙසේ නඩු පවරා ඇත.
විත්තිකරුවන්ට එරෙහිව ඉදිරිපත් කර ඇති චෝදනා පත්‍රයේ සාක්ෂිකරුවන් 20 දෙනෙක් හා නඩු භාණ්ඩ 19 ක් ද අල්ලස් කොමිසම විසින් නම් කර ඇත.
ඒ අනුව කොටුව ප්‍රධාන මහේස්ත්‍රාත් ලාල් රණසිංහ බණ්ඩාර විසින් විත්තිකරුවන් හට මාර්තු මස 8 වන දා අධිකරණය ඉදිරියේ පෙනී සිටිමට සිතාසී නිකුත් කරන ලදී.
Facebook Comments
