අපරාධ චුදිත හිටපු නාවික හමුදාපතිට නොතීසි නිකුත් කිරීම උසාවිය ප්‍රතික්ෂේප කරයි (VIDEO)

0
458
Ivory Agency Sri Lanka
HailHost
wedding people

බලහත්කාරයෙන් පුද්ගලයන් අතුරුදහන් කරවීම සම්බන්ධ නඩුවක් සඳහා හිටපු නාවික හමුදාපතිවරයකු හට නොතිසි නිකුත් කරන ලෙස අපරාධ පරීක්ෂණ දෙපාර්තුමේන්තුව කරන ලද ඉල්ලීම අධිකරණය ප්‍රතික්ෂේප කර තිබේ.

ශ්‍රේෂ්ඨාධිකරණය දී ඇති තීන්දුවකට අනුව ඔහුට නොතිසී නිකුත් කළ නොහැකි බව කොළඹ කොටුව මහේස්ත්‍රාත් වරයා පොලිසියට දන්වා ඇත්තේ නාවික හමුදා විශේෂ බුද්ධි ඒකකයක් විසින් පුද්ගලයන් 11 දෙනකු පැහැරගෙන ගොස් අතුරුදහන් කරවීම සම්බන්ධ නඩුව 23 බදදා විභාගයට ගත් අවස්ථාවේදීය.

හිටපු නාවික හමුදාපති වසන්ත කරන්නාගොඩ හට එසේ නොතීසි නිකුත් කළ හොත් සිදු වන්නේ ඔහු අත් අඩංගුවට ගෙන බන්ධනාගාර ගත කිරීම බව අතුරුදහන් වුවන් වෙනුවෙන් පෙනී සිටින නීතිඥ අචලා සෙනවිරත්න මාධ්‍ය වෙත කියා සිටියාය.

“අපරාධ පරීක්ෂණ දෙපාර්තුමේන්තුව ඉල්ලා තිබුනා වසන්ත කරන්නාගොඩ මෙම නඩුවේ 16 වන සැකකරු ලෙස ඇතුලත් කරලා අද දිනයේ නොතීසියක් මඟින් අධිකරණයට කැඳවීම කරන්න කියලා. එසේ නොතීසි නිකුත් කළහොත් මුලික අවස්ථාවේදී කරන්නෙ අත් අඩංගුවට ගෙන රක්ෂිත බන්ධනාගාර ගත කිරිම. නමුත් එම අවස්ථාවේදී අධිකරණය අපරාධ පරීක්ෂණ දෙපාර්තුමේන්තු නිලධාරින්ට දැනුම් දීලා තියෙනවා මේ සිද්ධිය සම්බන්ධයෙන් ශ්‍රේෂ්ඨාධිකරණය නියෝගයක් නිකුත් කරලා තියෙනවා ඔහු අත් අඩංගුවට ගැනීමක් සිදු කරන්න එපා අධි චෝදනා ගොනු කිරීම පමණක් කරන්න කියලා.”

මේ අතර මෙම නඩුවේ ප්‍රධානතම සාක්ෂිකරුවන් දෙදෙනෙකු වන විජයකාන්ත් හා සෙනවිරත්න යන අයගේ අතුරුදහන් වීම හා මරණය සැක සහිත බවට අධිකරණය දැනුම් දුන් බව ද නීතිඥවරිය කියා සිටියාය.

නාවික හමුදා නිලධාරියෙකු දියේ ගිලී මිය යාම සැක සහිත බව පෙන්වා දෙන ඇය අනෙක් සාක්ෂිකරුගේ අතුරුදහන් වීම ගැනද අධිකරණයට කරුණු දැක්වු බව පැවසුවාය.

සාක්ෂිකරුවන් සම්බන්ධව අවධානයෙන් සිට අවශ්‍ය ආරක්ෂාව සලසන ලෙස අධිකරණය නියෝග ලබා දුන් බවයි නීතිඥ අචලා සෙනවිරත්න වැඩි දුරටත් පවසන්නේ.

Facebook Comments

HailHost