යුද අපරාධ සම්බන්ධව දේශිය පරීක්ෂණයක් පවත්වනවා – නව හමුදාපති

0

උතුරේ දියත් කල යුද්දයේදී යුද අපරාධ සිදු ව ඇති බවට ශ්‍රී ලංකා යුද හමුදාවට එල්ල වී ඇති චෝදනා සම්බන්ධව දේශිය පරික්ෂණයක් පවත්වනු ලබන බවට නව හමුදා ප්‍රධානියා කියා සිටි.

ලුතිනන් ජෙනරාල් මහේෂ් සේනානායක රටේ විසි දෙවැනි යුද හමුදාපති ලෙසින් 5 බදාදා වැඩ භාරගැනීමෙන් අනතුරුව මුල්ම වතාවට මාධ්‍යවේදීන් හමුවූ අවස්ථාවේ ප්‍රකාශ කර සිටියේ හමුදා නිලධාරීන් ට එල්ලවන යුද අපරාධ ඇතුළු වෙනත් අපරාධ චෝදනා“අපේ මට්ටමින්” විභාග කරන බවයි.

අනිවාර්යෙන්ම පරික්ෂණ සිදු විය යුතු බව කී හමුදාපතිවරයා “සත්‍යය සත්‍යය හැටියට පෙන්නුම් කිරීම,” තම අරමුණ බව අවධාරණය කළේය.

මේතාක් පැවති හමුදා පරීක්ෂණ වල ‘අතපසුවීම්’ සිදු වන්නට ඇති බව පිළිගත් හමුදාපතිවරයා එම අතපසුවීම් මගහැර යුද හමුදා නීතිය මෙන්ම රටේ සාමාන්‍ය නීතියද ප්‍රයෝජනයට ගෙන රජයට සහාය දීමට පියවර ගන්නා බව කියා සිටියේය.

පාවාදීමක් නොවේ

ජනමාධ්‍යවේදීන් සහ රතුපස්වල වතුර ඉල්ලූ ජනතාව ඇතුළු දකුණේ පිරිස් ඝාතනය කිරීම සම්බන්ධයෙන් චෝදනා ලබන හමුදා නිලධාරීන් අත් අඩංගුවට ගැනීම”පාවාදීමක්” ලෙස තමන් විශ්වාස නොකරන බව කී ලුතිනන් ජෙනරාල් මහේෂ් සේනානායක මාධ්‍යවේදීන්ට පහර දීම් සම්බන්ධයෙන් හමුදාවට පිටතින් ද නීති උපදෙස් ලබා ගන්නා බව කියා සිටියේය.

යුද හමුදා නිලධාරීන් සම්බන්ධ නීතිමය පියවර ගැනීම ගැන නව ආරක්ෂක ලේකම් ලෙස පත්කර තිබෙන හිටපු අතිරේක සොලිස්ටර් ජනරාල් කපිල වෛද්‍යරත්නගෙන් උපදෙස් ලබා ගැනීමේ මහත් අපේක්ෂාවක් ද නව යුද හමුදාපති ලුතිනන් ජෙනරාල් මහේෂ් සේනානායක වෙතින් පලවිය.

Facebook Comments

wedding people