ඇතැම් මාධ්‍ය ආයතනවල ක්‍රියාකලාපය පිළිබඳ කණගාටුයි – ජනපති

0

වත්මන් රජයම විවේචනය කරමින් රට තුළ ගැටලු ඇති බවට ජනතාවට පෙන්වීමට උත්සාහ කරන ඇතැම් මාධ්‍ය ආයතනවල ක්‍රියාකලාපය පිළිබඳ තමා කනගාටුවන බව ජනාධිපතිවරයා පවසයි.

මාධ්‍යවේදීන් ඝාතනය කරමින් සහ ඔවුන් අතුරුදහන් කරමින් මාධ්‍ය ආයතනවලට ගිනි තැබූ යුගය අවසන් කර සියලු මාධ්‍යවේදින්ගේ ජීවිත ආරක්ෂා කිරීමට මෙන්ම මාධ්‍ය ආයතනවලට අවශ්‍ය පහසුකම් සපයා දීමට කටයුතු කරන ලද්දේ වත්මන් යහපාලන රජයට බව ජනධිපති මෛත්‍රීපාල සිරිසේන කියා සිටියේ 05 බදාදා පැවති “විරුසුමිතුරු” රණවිරු නිවාස ඔප්පු ප‍්‍රදානයේ සමාරම්භක උත්සවය අමතමිනි.

“අද මාධ්‍ය ගත්විට අපේ ආණ්ඩුවට දිගට හරහට ගහනවා. මාධ්‍ය තුළ තමයි පෙන්නුම් කරන්නේ ආණ්ඩුවේ ගමන අවුල් කියලා. මාධ්‍ය තුළ තමයි පෙන්නුම් කරන්නේ රටේ මහ අවුලක් තිබෙනවා කියලා.” හේ පැවසුහ.

වත්මන් රජය බිහිවීමට ප්‍රථම මාධ්‍යවේදී කී දෙනෙකු ඝාතනය කලාද මාධ්‍ය ආයතන කොපමණ ගිනි තිබ්බාද යන්න ප්‍රශ්න කරන ජනාධිපතිවරයා මාධ්‍යවේදීන් අතුරුදහන්වීම සහ රට අතහැර යාම වෙනස් කළේ යහපාලන රජය බව අවධාරණ්‍ය කළේය.

ඇතැම් මාධ්‍ය මවාපාන ආකාරයට රට අවුල් වී නැති බව කී ජනාධිපතිවරයා රට අවුල් කිරීමට කිසිවෙකුට ඉඩ නොතබවන බව වැඩිදුරටත් කියා සිටියේය.

 

Facebook Comments

wedding people