පාස්කු ඉරිදා ප්‍රහාරය වළක්වා නොගැනීම සම්බන්ධව ආණ්ඩුවට එරෙහිව ගෙන ආ විශ්වාස භංගය පරාජයට පත්වුයේ මහින්ද රාජපක්ෂ ප්‍රමුඛ ඒකාබද්ධ විපක්ෂයේ නොහැකියාව නිසාවෙන් බවට ජනතා විමුක්ති පෙරමුණ චෝදනා කර තිබේ.
ජනතා විමුක්ති පෙරමුණ විසින් ආණ්ඩුවට එරෙහිව ගෙන එන ලද විශ්වාස භංග යෝජනාව වැඩි ජන්ද 27කින් පරාජයට පත් කිරීමට එක්සත් ජාතික පෙරමුණ සමත් විය.
යෝජනාවට විපක්ෂව ජන්ද 119ක් ලැබුණ අතර එක්සත් ජාතික පෙරමුණට අමතරව දෙමළ ජාතික සන්ධානය ද යෝජනාවට එරෙහිව ජන්දය ලබා දුනි.
ජනතා විමුක්ති පෙරමුණ, ශ්‍රී ලංකා නිදහස් පක්ෂය සහ ඒකාබද්ධ විපක්ෂ කණ්ඩායම විශ්වාස භංග යෝජනාවට පක්ෂව ඡන්දය කළේය.
පාර්ලිමේන්තු මන්ත්‍රීවරුන් වන දුමින්ද දිසානායක, මහින්ද සමරසිංහ, විජයදාස රාජපක්ෂ, දුනේෂ් ගන්කන්ද, එස් බී නාවින්න, ඩග්ලස් දේවානන්ද, අශෝක ප‍්‍රියන්ත, ශිවශක්ති ආනන්දන් සහ රාජ්‍ය අමාත්‍ය වී රාධකි‍්‍රෂ්නන් යන මන්ත්‍රීවරුන් විශ්වාසභංග ජන්ද විමසීමේ අවස්ථාවට සහභාගී ව සිටියේ නැත.
රාජපක්ෂවාදී මන්ත්‍රීවරුන් 11 දෙනෙකු විශ්වාස භංගය සහභාගි නොවීම ආණ්ඩුවට බරපත අභියෝගයක් ගෙන ඒමට තිබු අවස්ථාවක් අහිමි විමක් ලෙසයි ජවිපෙ බිම්ල් රාත්නායක මන්ත්‍රීවරයා පෙන්වා දුන්නේ.
“එක්සත් ජනතා නිදහස් සන්ධානේ මන්ත්‍රීවරු 6 දෙනෙකුත්, එක්සත් ජාතික පක්යේ සිට රාජපක්ෂ මහතා සමඟ එකතු වුන මන්ත්‍රීවරු ඔක්කොම එකොලොස් දෙනෙක් අද විශ්වාස භංගයට ඇවිල්ලා නැහැ. උදය ගම්මන්පිල මහතා පවා ඇවිල්ලා නැහැ.” යි විශ්වාස භංග යෝජනා ජන්ද විමසිමෙන් අනතුරු බිමල් රත්නායක මන්ත්‍රීවරයා මාධ්‍ය වෙත කියා සිටියේය.
Facebook Comments
