ජනාධිපති මාධ්‍ය ඒකකය විසින් සමාජ මාධ්‍ය මර්දනයක නිරතව සිටින බවට රාජපක්ෂවාදී ගායකයකු හා සමාජ මාධ්‍ය ක්‍රියාධරයෙකු චෝදනා කර තිබේ.
තම ෆේස්බුක් ගිණුම පිළිබඳව එම ආයතනය පැමිණි කර එය තහනම් කිරීමට ජනාධිපති මාධ්‍ය ඒකකය සැක සහිත බවට අමාත්‍ය පාඨලී චමික රණවකගේ මාධ්‍ය ලේකම්වරයාද චෝදනා කරන බවයි ඉරාජ් වීරරත්න පවසන්නේ.
“මම හිතන්නෙ නෑ ජනාධිපතිතුමා දන්නවා ඇති කියලා මේක. ජනාධිපති නොදැනුවත්වම වෙන දෙයක් කියලා මට නම් හිතෙන්නෙ එහෙමයි.” යනුවෙන් ඉරාජ් වීරරත්න තම ෆේස්බුක් පිටුව අක්‍රිය කිරීම පිළිබඳව 10 බදාදා පැවති මාධ්‍ය හමුවක දී කියා සිටියේය.
මිලියනයකට අධික පිරිසක් කැමැත්ත පළ කර සිටි තම ෆේස්බුක් ගිණුම ආණ්ඩුව විසින් කරන ලද දැනුම් දීමකට අනුව එම ආයතනය විසින් අක්‍රිය කර ඇති බවටයි ඔහු චෝදනා කරන්නේ.
ශ්‍රී ලංකාව පිළිබඳව සොයා බැලීමට ෆේස්බුක් ආයතනයෙන් පත් කරන ලද පිරිස් ද එක්සත් ජාතික පක්ෂයට සම්බන්ධ බවයි ඉරාජ් වීරරත්න මාධ්‍ය හමුවේදී වැඩි දුරටත් කියා සිටියේ.
Facebook Comments
