දෙසිය පනහකට අධික පිරිසකට ජිවත අහිමි වු පාස්කු ඉරිදා ප්‍රහාර මාලාවෙන් අනතුරුව රට පුරා දියත් වු මුස්ලිම් විරෝධි ප්‍රචණ්ඩ ක්‍රියා බෞද්ධයන්ගේ “නම්බුවට, ගරුත්වයට විශාල හානියක්” ලෙස සිංහල බෞද්ධ අමාත්‍යවරයෙකුගේ දැඩි දෝෂ දර්ශනයට ලක්ව තිබේ.
“ඇතැම් තැන්වල බෞද්ධයයි කියාගන්නා පිරිසක්, බුද්ධාගමට ඉතාමත්ම නිගා දෙමින්, පාරවල් වලට බැහැලා පල්ලි වලට ගල් ගහන්න, මුස්ලිම් කඩවලට පහර දෙන්න කටයුතු කළා,” යි පාඨලී චම්පික රණවක අමාත්‍යවරයා ප්‍රකාශ කළේ පාස්කු ප්‍රහාරයේ ඉලක්කය වූ ක්‍රිස්තියානි හා කතෝලික බැතිමතුන් ඉවසීමෙන් යුතුව ක්‍රියා කළ බව සිහිපත් කර දෙමිනි.
ජාතික හෙළ උරුමයේ නායකයා විසින් හෙලා දකින ලද්දේ තම නායකත්වයෙන් අලුතින් පිහිටුවා ගන්නා ලද “ජාතික මග” නම් සංවිධානය විසින් කෑගල්ලේ පවත්වන ලද සමුළුවක් අමතමිනි.
අමාත්‍යවරයා විසින් සිය ප්‍රකාශය කරන ලද්දේ මුස්ලිම් ව්‍යාපාර වර්ජනය කරන ලෙස අස්ගිරි මහනාහිමි කළ අනඥාව දේශීය හා ජාත්‍යන්තර වශයෙන් හෙලා දකිනු ලැබීමෙන් අනතුරුවය.
Facebook Comments
