රතුපස්වල සිදුවීම් මාලාව අළලා ලියන ලද‘ජන අරගලයක දිය සලකුණ රතුපස්වල‘ කෘතිය දොරට වැඩීම හෙට (13) පස්වරු 2.45ට කොළඹ මහජන පුස්තකාල ශ්‍රවනාගාරයේදී සිදු කරන බව තරුණ ජනමාධ්‍යවේදින්ගේ සංගමය පවසයි.
පොත එළි දැක්වීම ශ්‍රි ලංකා තරුණ ජනමාධ්‍යවේදීගේ සංගමය විසින් සංවිධානය කරනු ලබන අතර ඒ සදහා ජ්‍යෙෂ්ඨ මාධ්‍යවේදී වික්ටර් අයිවන්, සාධාරණ සමාජයක් සඳහා වන ව්‍යාපාරයේ කැඳවුම්කරු මහාචාර්ය සරත් විජේසූරිය සහ පරිසරවේදී ආචාර්ය රවීන්ද්‍ර කාරියවසම් දෙසුම් පැවැත්වීමට නියමිත අතර අජිත් කුමාරසිරි සහ කෞශල්‍යා ප්‍රනාන්දු ගායනයෙන් එක්වන්නෝය.
රතුපස්වල සටන ගැන බොහෝ දෙනකු දැන ගත්තේ 2013 වසරේ අගෝස්තු මාසයේදී වෙඩි තැබීමේ සිදුවීමත් සමඟය. නමුත් රතුපස්වල සටනට අවුරුදු 20ක පමණ ඉතිහාසයක් ඇති බව මෙම ගවේෂණාත්මක කෘතියේ කතෘ මාධ්‍යවේදී තරිඳු ජයවර්ධන පවසනවා.
රතුපස්වල පිරිසිදු පානීය ජලය ඉල්ලූ ගම්වැසියන්ට යුද හමුදාවෙන් වෙඩි තබා වසර තුනක් ගත වුවද වෙඩි තැබූවන්ට හා අණ දුන්නන්ට එරෙහිව තවමත් නීතිය ක්‍රියාත්මක වී නැති බවයි තරිඳු ජයවර්ධන පෙන්වා දෙන්නේ.
ජලය ඉල්ලූ ජනතාවට වෙඩි තැබූවන් තවමත් නිදැල්ලේ ඉන්නා අතර ඔවුන්ට මේ ‘යහපාලන’ රජයෙන් දඩුවම් ලැබෙතැයි තමන් බලාපොරොත්තු නොවන බවත්,ඒ පිළිබදව කෙරෙන වීමර්ශන කිරීම් පිළිබදව තරුණ ජනමාධ්‍යවේදීන්ගේ සංගමය හා එක්ව අවධානයෙන් සිටින බවද ඔහු අවධාරණය කරනවා.
Facebook Comments
