විමල් සමග සඟයා රිමාන්ඩ් වෙද්දි නියෝජ්‍ය ඇමති හා සභාපති ගැනත් පරීක්ෂණ

0

රජයේ වාහන අයථා ලෙස යොදා ගනිමින් කෝටි ගණනක පාඩු සිදුකළ බවට නැගුනු චෝදනා යටතේ රිමාන්ඩ් භාරයේ පසුවූ හිටපු ඇමැති විමල් වීරවංස පෙබරවාරි 07 වැනි දා දක්වා තවදුරටත් රිමාන්ඩ් කරන ලෙස කොළඹ කොටුව මහේස්ත්‍රාත්වරිය නියෝග කර ඇත.

ඉංජිනේරු සංස්ථාවේ හිටපු නියෝජ්‍ය සාමාන්‍යාධිකාරී සමන්ත ප්‍රියන්ත ලොකුහැන්නදිගේ ද එදින දක්වා රක්ෂිත බන්ධනාගාර ගත කරන ලෙසයි 24 අඟහරුවාදා කොටුව මහේස්ත්‍රාත් ලංකා ජයරත්න නියෝග කර ඇත්තේ.

විමල් වීරවංස ඉදිකිරීම් ඉංජිනේරු සේවා නිවාස හා පොදු පහසුකම් අමාත්‍යධුරය දරන සමයේ රජයේ වියදමින් මෝටර් රථ කුලියට ගෙන ඉන්ධන සහ රියදුරන් යොදවා බාහිර කාර්යවල යෙදවීමෙන් රජයට රුපියල් කෝටි නමයකට වැඩි මුදලක පාඩුවක් සිදු කළ බවට චෝදනා කරමින් පොලිස් මූල්‍ය අපරාධ විමර්ශන කොට්ඨාසය විසින් ඔහුව පසුගිය 10 දා අත්අඩංගුවට ගෙන අධිකරණයට ඉදිරිපත් කිරිමෙන් අනතුරුව බන්ධනාගාර ගත කළේය.

වාහන ලබා දුන් බවට පොලිසිය විසින් නම් කොට ඇති හතලිස් දෙනකුගේ ලැයිස්තුවේ එම පක්ෂයේ සාමාජිකයන් දහ දෙනකු, ජනමාධ්‍යවේදීන් දෙදෙනකු සහ පවුලේ ඥාතීන් පස් දෙනකුද විය.

මේ අතර මෙම සිදුවීම සිදුවූ යුගයේ අමාත්‍යංශයේ නියෝජ්‍ය අමාත්‍යවරයා වශයෙන් කටයුතු කළ ලසන්ත අලගියවන්න සහ එවක රාජ්‍ය ඉංජිනේරු සංස්ථාවේ සභාපති ලෙස කටයුතු කළ අශු මාරසිංහ යන අය සම්බන්ධයෙන්ද පරීක්ෂණ පවත්වන ලෙස ද මහේස්ත්‍රාත්වරිය විසින් නියෝග කරන ලදී.

 
සඟයාත් රිමාන්ඩ්

හිටපු ඇමැති විමල් වීරවංසගේ නඩුව අතරතුර ඔහුට පක්ෂව අධිකරණයට අපහාස වන අයුරින් හැසිරුණු පුද්ගලයා ලබන 07 වැනි දා තෙක් රිමාන්ඩ් කරන ලෙස කොළඹ කොටුව මහේස්ත්‍රාත් ලංකා ජයරත්න නියෝග කළේය.

පොලිසිය විසින් බී වාර්තාවක් මගින් අධිකරණයට ඉදිරිපත් කල විසිහතර හැවිරිදි සුදේශ ප්‍රේමලාල් ෆොන්සේකා නැමැත්තා මෙසේ රිමාන්ඩ් කර ඇත.

විමල් වීරවංශ වැරදිකරුවකු නොවන බවත්, එකල සිටි නිවාස ඉදිකිරීම් නියෝජ්‍ය ඇමැති අත්අඩංගුවට ගත යුතු බවට මෙම තැනැත්තා අධිකරණයේදී කෑ ගැසීය.

 
බන්ධනාගාරයෙන් පාර්ලිමේන්තුවට

බන්ධනාගාර ගත කිරීමෙන් අනතුරුව විමල් වීරවංස අද පලමු වරට පාර්ලිමේන්තු සැසියටද සහභාගී විය.

Facebook Comments

wedding people