මාසයකට වැඩි කලක් උපවාසයේ නිරත දෙමළ දේශපාලන සිරකරුවන් වෙනුවෙන් එක්සත් ජාතීන්ගේ මැදිහත් වීම ඉල්ලා සිටිමින් විශ්ව විද්‍යාල සිසුන් විසින් සන්දේශයක් යොමුකර තිබේ.
දේශපාලන සිරකරුවන් සියලුදෙනා නිදහස් කිරීම සඳහා දේශපාලන තීන්දුවක් ගැනීම වෙනුවෙන් රජයට බල කිරීමට මැදිහත් වන මෙන් ඉල්ලා යාපනය විශ්ව විද්‍යාල සිසුන් යාපනයේ පිහිටි එක්සත් ජාතින්ගේ කාර්යාලයට සන්දේශය බාර දී ඇත.
යාපනය විශ්ව විද්‍යාලය ඉදිරිපිටින් ආරම්භ කරන ලද පා ගමනට තාක්ෂණික විද්‍යාලයේ සිසුන් සහ උසස් තාක්ෂණ අධ්‍යන ආයතන සිසුන් ද එක්ව සිටි බව සිලෝන් ජර්නල්ස් වාර්තාකරු සඳහන් කළේය.
මේ අතර දේශපාලන සිරකරුන් නිදහස් කරන ලෙස ඉල්ලා ජනපති වෙත යොමු කිරීමට සුදානම් කල සන්දේශයක් යාපනය දිසාපති වෙත බාර දී තිබේ.
Facebook Comments
