විදේශිය නැව් සමාගම් සඳහා මෙරට නාවික හා ප්‍රවර්ධන ක්ෂේත්‍රයේ විවෘත කිරීම සහ ස්වාධීන වරාය නියාමකයෙකු හඳුන්වාදීම ජාත්‍යන්තර නැව් සමාගමක් පැසසුමට පත් කර තිබේ.
එම යෝජනාවද ඇතුලුව මුදල් අමාත්‍ය මංගල සමරවීර විසින් 2018 වසර සඳහා ඉදිරිපත් කර ඇති අයවැය යෝජනාවට සිය පුර්ණය සහාය ලබා දෙන බව මාර්ස්ක් ලයින් නාවික සමාගම නිවේදනය කරයි.
සමුද්‍රීය කර්මාන්තය ලිහිල් කිරීමට සහ ව්‍යාපාරික වතාවරණය වැඩි දියුණු කිරීමට රජය ගන්නා උත්සාහයට සහාය ලබා දෙන බව ඉන්දියාව, මාලදිවයින සහ ශ්‍රී ලංකාවේ මාර්ස්ක් ලයින් කළමණාකාර අධ්‍යක්ෂ ස්ටීව් ෆෙල්ඩර්ගේ අත්සනින් යුත් නිවේදනයේ සඳහන් වේ.
නාව් සමාගම් ප්‍රතිනැව් ගත කිරිමේ කේන්ද්‍රස්ථානයක් ලෙසින් කොළඔ වරාය ආකාර්ශණය කර ගත හැකි වන පරිදි ධාරිතාව වර්ධනය කිරිමෙන් නෞකා වලට දැරීමට සිදු වන වියදමේ අඩු වීමක් නාවික නියෝජිතායතන ලිහිල් කිරීම හරහා සිදු වන බවට එම සමාගම විශ්වාසය පල කරයි.
අදාළ යෝජනාව පාර්ලිමේන්තුවේ සම්මත වුවහොත් තම මුලස්ථානය හා ශ්‍රී ලංකික හවුල්කරුවන් සමඟ එක් වී මෙරට ව්‍යාපාරික කටයුතු වැඩි දියුණු කරන බවද එම නිවේදනය හරහා මාර්ස්ක් ලයින් ආයතනය සහතික වී ඇත.
ආණ්ඩුව පෙරළනවා
මේ අතර නාවික ක්ෂේත්‍රය සම්පූර්ණයෙන්ම විවෘත කිරිමට පියවර ගතහොත් ආණ්ඩුව පෙරළා දමන බවට නැව් කටයුතු පිලිබඳ ඒකාධිකාරයක් පවත්වාගෙන යන නියෝජිතායතනයක් අනතුරු අඟවා ඇති බවට මාධ්‍ය වාර්තා කර තිබුණි.
අයවැය යෝජනා හරහා තම ඒකාධිකාරයට බලපෑමක් එල්ලවීම සම්බන්ධයෙන් කලබලයට පත් නැව් කටයුතු පිලිබඳ එම නියෝජිතායතනය මෙහෙයවන ප්‍රමුඛපෙලේ සමාගම් දෙකක්, වරාය අමාත්‍යවරයා හමුවී මුදල් අමාත්‍යවරයාගේ යෝජනාවට විරෝධය පළකර ඇත.
නාවික ක්ෂේත්‍රය සම්පූර්ණයෙන්ම විවෘත කිරිමට මුදල් අමාත්‍යවරයා මෙවර අයවැයෙන් ඉදිරිපත්කර ඇති යෝජනාවට එරෙහිව පුළුල් ජනමතයක් ගොඩනගන්නයි රාජපක්ෂ පවුලේ සාමාජිකයින් තම අනුගාමිකයින්ට උපදෙස් දී ඇති බවද වෙබි අඩවි වාර්තා කර තිබුණි.
Facebook Comments
