ඉරාන – ඉරාක දේශසීමා ආසන්නයේ ඇති වු භූ කම්පනයෙන් 200 වැඩි පිරිසක් මිය ගොස් තිබේ.
මියගිය ප්‍රමාණය තවත් ඉහල යා හැකි බවට දෙරටේ රජයන් පවසන අතර භූ කම්පනයෙන් පුද්ගලයින් 1700කට වැඩි පිරිසක් තුවාල ලබා ඇති බව විදෙස් වාර්තා පවසයි.
ඉරාන ඉරාක දේශසීමාවේ හලබ්ජා නගරයේ නිරිතදිග ප්‍රදේශයේ සැතපුම් 21ක් පමණ පොළොව අභ්‍යන්තරයේ 12 ඉරිදා රාත්‍රියේ හටගත් භූ කම්පනයේ ප්‍රබලත්වය සටහන් වූයේ රිච්ටර් පරිමාණ ඒකක 7.3ක් ලෙසයි.
භූ කම්පනයෙන් වැඩිම බලපෑමක් එල්ල වී තිබෙන්නේ ඉරානයට වන අතර අවම වශයෙන් ඉරාන වැසියන් 130 දෙනෙකුවත් මියගොස් ඇති බව එරට බලධාරින් කියා සිටි.
ඉරාකයෙන් සිදු වූ මරණ සංඛ්‍යාව පිළිබඳව තවමත් නිල වශයෙන් ප්‍රකාශ කර නැත.
සහන සේවකයින් රැසකගේ සහභාගීත්වයෙන් දැඩි අසීරුතා මධ්‍යයේ මුදාගැනීමේ මෙහෙයුම් තවදුරටත් ක්‍රියාත්මක බවද විදෙස් මාධ්‍ය වාර්තා කරයි.
Facebook Comments
